കൊച്ചി: എസ്.എൻ.ഡി.പി യോഗം ഇറുമ്പയം ശാഖയുടെയും ശ്രീനാരായണ എംപ്ലോയീസ് വെൽഫെയർ ഫോറത്തിന്റെയും സംയുക്താഭിമുഖ്യത്തിൽ 'വായനാവാരാചരണവും വിദ്യാഭ്യാസ സെമിനാറും" സംഘടിപ്പിച്ചു.
തലയോലപ്പറമ്പ് യൂണിയൻ സെക്രട്ടറി അഡ്വ.എസ്.ഡി സുരേഷ് ബാബു ഉദ്ഘാടനം ചെയ്തു. ശാഖാപ്രസിഡന്റ് പി.എം. അനിൽകുമാർ അദ്ധ്യക്ഷനായി. യൂണിയൻ പ്രസിഡന്റ് ഇ.ഡി. പ്രകാശൻ മുഖ്യപ്രഭാഷണം നടത്തി. വനിതാസംഘം യൂണിയൻ സെക്രട്ടറി ജയ അനിൽ ഭദ്രദീപ പ്രകാശനം നടത്തി. എം.ജി യൂണിവേഴ്‌സിറ്റി റിസോഴ്‌സ് പേഴ്‌സൺ എസ്.രതീഷ്‌കുമാർ നേതൃത്വം നൽകി. എംപ്ലോയീസ് ഫോറം കേന്ദ്രസമിതി അംഗം ഇ. എൻ. വിനോദ്, എംപ്ലോയീസ് ഫോറം യൂണിയൻ പ്രസിഡന്റ് ഷിബു മലയിൽ, ഷീജ മോഹൻദാസ് തുടങ്ങിയവർ നേതൃത്വം നൽകി. എംപ്ലോയീസ് ഫോറം യൂണിയൻ സെക്രട്ടറി എ.കെ. അനിൽകുമാർ സ്വാഗതവും വൈസ് പ്രസിഡന്റ് സുഗുണൻ മുണ്ടാനയിൽ നന്ദിയും പറഞ്ഞു.