കാലടി: മഞ്ഞപ്ര ഗ്രാമക്ഷേമം ലൈബ്രറി വായന പക്ഷാചരണത്തിന്റെ ഭാഗമായി പി.എൻ.പണിക്കർ സ്മൃതിസംഗമം സംഘടിപ്പിച്ചു. പഞ്ചായത്ത് പ്രസിഡന്റ് അൽഫോൻസ ഷാജൻ ഉദ്ഘാടനം ചെയ്തു. ജില്ലാ ലൈബ്രറി കൗൺസിൽ സെക്രട്ടറി എം.ആർ.സുരേന്ദ്രൻ അനുസ്മരണ പ്രഭാഷണം നടത്തി. പി.എൻ.പണിക്കർ അവാർഡ് ലഭിച്ച ടി.പി.വേലായുധനെ ചടങ്ങിൽ ആദരിച്ചു. ലൈബ്രറി പ്രസിഡന്റ് സജീവ് അരീക്കൽ അദ്ധ്യക്ഷത വഹിച്ചു. സെക്രട്ടറി കെ.കെ.വിജയൻ, ബ്ലോക്ക് പഞ്ചായത്ത് അംഗം സരിത സുനിൽ, ഗ്രാമപഞ്ചായത്ത് അംഗം സി.വി.അശോക് കുമാർ, ടി.പി.വേണു, ജോളി.പി.ജോസ്, ഐ.പി.ജേക്കബ്, ജിനി തര്യൻ, പി.കെ.കുട്ടൻ, മീനാക്ഷി വൽസൻ എന്നിവർ സംസാരിച്ചു.