കോതമംഗലം: അന്താരാഷ്ട്ര ലഹരിവിരുദ്ധ ദിനത്തോടനുബന്ധിച്ച് കോതമംഗലം എക്സൈസ് സർക്കിൾ ഓഫീസ് വിമുക്തിമിഷന്റെ ആഭിമുഖ്യത്തിൽ ശോഭന സ്കൂളിൽ ലഹരിവിമുക്ത ബോധവത്കരണ കാമ്പയിൻ സംഘടിപ്പിച്ചു. പ്രിവന്റീവ് ഓഫീസർ ജെയ് മാത്യൂസ്, പ്രിൻസിപ്പൾ സിസ്റ്റർ ലിസ്‌മരിയ തുടങ്ങിയവർ നേതൃത്വം നൽകി. എക്സൈസ് പ്രിവന്റീവ് ഓഫീസർ കെ.സി. എൽദോ ബോധവത്കരണ ക്ലാസെടുത്തു. കുട്ടികൾ ലഹരിവിമുക്ത സംവാദവും ചർച്ചയും നടത്തി.