കാലടി: നീലീശ്വരം എസ്.എൻ.ഡി.പി ഹയർ സെക്കൻഡറി സ്കൂളിലെ എസ്. പി.സി കേഡറ്റുകൾ ലഹരിവിരുദ്ധ ബോധവത്കരണ പരിപാടി തുടങ്ങി. കാലടി പൊലീസ് ഹൗസ് ഓഫീസർ അരുൺ കെ. പവിത്രൻ ഉദ്ഘാടനം ചെയ്തു. പി. ടി.എ പ്രസിഡന്റ് ജോയ് അവോക്കാരൻ അദ്ധ്യക്ഷനായി.ഹെഡ്മാസ്റ്റർ വി.സി. സന്തോഷ് കുമാർ, കമ്മ്യൂണിറ്റി പൊലീസ് ഓഫീസർമാരായ കെ.എ.അഖിൽ, ബിജിജോസഫ്, അനില എന്നിവർ സംസാരിച്ചു.കൂട്ടയോട്ടം, തെരുവ് നാടകം തുടങ്ങിയവ അവതരിപ്പിച്ചു. വരുംദിവസങ്ങളിൽ ലഹരി വിരുദ്ധറാലി, സർവേ, പോസ്റ്റർ പ്രദർശനം, മഹാബാനർ നിർമ്മാണം എന്നിവ സംഘടിപ്പിക്കും.