കിഴക്കമ്പലം: പൂക്കാട്ടുപടി വള്ളത്തോൾ സ്മാരക വായനശാല വായനപക്ഷാചരണത്തോട് അനുബന്ധിച്ച് സംഘടിപ്പിക്കുന്ന നാടാകെ വായനക്കൂട്ടത്തിന്റെ നാലാമത് പരിപാടി പഴങ്ങനാട്, മാതുകുളങ്ങര, എടക്കാലക്കര, മുട്ടംതോട്ടിൽ ബിജു സ്​റ്റീഫന്റെ വീട്ടിൽ നടന്നു. അഡ്വ. ലി​റ്റോ പാലത്തിങ്കൽ മുഖ്യപ്രഭാഷണം നടത്തി.എസ്.എസ്.എൽ.സി, പ്ലസ്ടു പരീക്ഷകളിൽ ഉന്നതവിജയം നേടിയ റിസ്​റ്റിമോൾ കെ. റെജു, ദിയ ബേബി, ആൽഫാ റെന്നി, എലസ് ബാബു, അലീന കെ. ബിജു എന്നിവരെ അനുമോദിച്ചു. കെ.ജെ. ജോർജ് അദ്ധ്യക്ഷനായി. വായനശാല സെക്രട്ടറി കെ.എം. മഹേഷ്, സെബിൻ പൗലോസ്, എം.വി. ജോർജ്, അഡ്വ. റെന്നി അഗസ്​റ്റിൻ, കെ.എം. മനോജ് തുടങ്ങിയവർ സംസാരിച്ചു.