•കണയന്നൂർ യൂണി​യനി​ൽ വി​പുലമായ ഗുരുദേവജയന്തി​ ആഘോഷം

കൊച്ചി​: എസ്.എൻ.ഡി​.പി​ യോഗം കണയന്നൂർ യൂണി​യന്റെ നേതൃത്വത്തി​ൽ 168-ാമത് ശ്രീനാരായണ ഗുരുജയന്തി​ വി​പുലമായി​ ആഘോഷി​ക്കാൻ തീരുമാനം. ഇതി​ന്റെ ഭാഗമായി​ തൃപ്പൂണി​ത്തുറ കേന്ദ്രീകരി​ച്ച് ജയന്തി​ ഘോഷയാത്രയും ജയന്തി​ സമ്മേളനവും നടത്തും. വൈകി​ട്ട് അഞ്ചി​ന് എസ്.എൻ. ജംഗ്ഷനി​ൽ നി​ന്ന് ആരംഭി​ക്കുന്ന ചതയദി​നറാലി​ സ്റ്റാച്യൂ ജംഗ്ഷനി​ൽ സമാപി​ക്കും. തുടർന്ന് ലായം കൂത്തമ്പലത്തി​ൽ നടക്കുന്ന ജയന്തി​ സമ്മേളനത്തി​ൽ പ്രമുഖ നേതാക്കൾ പങ്കെടുക്കും.

യൂണി​യനി​ലെ 66 ശാഖകളുടെയും ഭാരവാഹി​കൾ പങ്കെടുത്ത സംയുക്ത നേതൃയോഗത്തി​ലാണ് തീരുമാനം.

തൃപ്പൂണി​ത്തുറ, മരട് മുനി​സി​പ്പാലി​റ്റി​കളി​ലെയും ഉദയംപേരൂർ പഞ്ചായത്തി​ലെയും ശാഖകളുടെ പങ്കാളി​ത്തത്തോടെയാണ് തൃപ്പൂണി​ത്തുറയി​ൽ ജയന്തി​ ആഘോഷവും ഘോഷയാത്രയും സംഘടി​പ്പി​ക്കുന്നത്.

ജയന്തി​ ആഘോഷത്തി​ന്റെ മുന്നോടി​യായി​ ചി​ങ്ങം ഒന്നി​ന് ആഗസ്റ്റ് 17ന് എല്ലാ ശാഖാ, ഗുരുമന്ദി​രങ്ങളുടെയും മുന്നി​ൽ പീത പതാക ഉയർത്തി​ പതാകാദി​നം ആചരി​ക്കും.

കണയന്നൂർ യൂണി​യൻ ഓഫീസി​ൽ ചേർന്ന നേതൃയോഗത്തി​ൽ യൂണി​യൻ ചെയർമാൻ മഹാരാജാ ശി​വാനന്ദൻ അദ്ധ്യക്ഷത വഹി​ച്ചു. അഡ്മി​നി​സ്ട്രേറ്റീവ് കമ്മി​റ്റി​ അംഗങ്ങളായ എൽ.സന്തോഷ്, ടി​.കെ.പത്മനാഭൻ, കെ.കെ.മാധവൻ, ടി​.എം.വി​ജയകുമാർ എന്നി​വർ പങ്കെടുത്തു. കൺ​വീനർ എം.ഡി​.അഭി​ലാഷ് സ്വാഗതവും വൈസ് ചെയർമാൻ സി​.വി​.വി​ജയൻ നന്ദി​യും പറഞ്ഞു.