കൊച്ചി: ശൃംഗേരി മഠത്തിന്റെ പ്രഥമ ജഗദ്ഗുരു സ്വാമി ഭാരതീ തീർത്ഥ പുരസ്‌കാരം കാലടി ആദിശങ്കര ട്രസ്റ്റ് മാനേജിംഗ് ട്രസ്റ്റി കെ. ആനന്ദിന് സമ്മാനിച്ചു.
ബംഗളൂരു ശൃംഗേരി മഠത്തിൽ നടന്ന ചടങ്ങിൽ മഠാധിപതി സ്വാമി വിധു ശേഖരഭാരതിയാണ് പുരസ്‌കാരം സമ്മാനിച്ചത്.
ശൃംഗേരി മഠം അഡ്മിനിസ്‌ട്രേറ്റർ വി.ആർ.ഗൗരിശങ്കർ അദ്ധ്യക്ഷത വഹിച്ചു. മികച്ച സാമൂഹിക സേവനം, ശൃംഗേരി മഠത്തിനും വിദ്യാഭ്യാസ മേഖലയ്ക്കും ശാസ്ത്രത്തിനും നൽകുന്ന അമൂല്യസംഭാവനകൾ എന്നിവ കണക്കിലെടുത്താണ് പുരസ്‌കാരം. സ്വാമി ഭാരതീ തീർത്ഥയുടെ സപ്തതിയോടനുബന്ധിച്ചാണ് മികച്ച മാനുഷിക സേവനങ്ങൾക്ക് പുരസ്‌കാരം നൽകാൻ തീരുമാനിച്ചത്.
കെ. ആനന്ദിന്റെ നേതൃത്വത്തിൽ ആദിശങ്കര ട്രസ്റ്റ് എൻജിനിയറിംഗ് കോളേജ്, ആർട്‌സ് കോളേജ്, ട്രെയിനിംഗ് കോളേജ്, എം.ബി.എ കോളേജ്, സ്‌കൂൾ തുടങ്ങിയ സ്ഥാപനങ്ങളാണ് നടത്തുന്നത്.