കോതമംഗലം: സ്വകാര്യ ബസ് സ്കൂട്ടറിൽ ഇടിച്ച് വിദ്യാർത്ഥിക്ക് ദാരുണാന്ത്യം. പോത്താനിക്കാട് പൂമറ്റത്തിൽ അനിൽ-ബീന ദമ്പതികളുടെ മകൻ അബിൻ അനിൽ (15) ആണ് മരിച്ചത്. ഇന്നലെ രാവിലെ 8.30ഓടെ പെരുനീർ ഭാഗത്തുവച്ചായിരുന്നു അപകടം. കുട്ടുകാരനോടൊപ്പം ട്യൂഷൻ കഴിഞ്ഞ് മടങ്ങവേയായിരുന്നു അപകടം.

ഗുരുതരമായി പരിക്കേറ്റ അബിനെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. പരിക്കേറ്റ സഹപാഠിയെ കോതമംഗലത്തെ സ്വകാര്യ ആശുപത്രിയിൽ പ്രവേശിപ്പിച്ചു. അബിൻ പോത്താനിക്കാട് സെന്റ് മേരീസ് സ്കൂൾ വിദ്യാർത്ഥിയാണ്. മൃതദേഹം മുവാറ്റുപുഴ ജനറൽ ആശുപത്രിയിൽ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും.