പെരുമ്പാവൂർ: ജനകീയാസൂത്രണ പദ്ധതിയിൽ ഉൾപ്പെടുത്തി വെങ്ങോല ഡിവിഷനിലെ കാരുകുളത്ത് തുടങ്ങിയ സ്മാർട്ട് അയേണിംഗ് യൂണിറ്റിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് നിർവഹിച്ചു.

സ്വയംതൊഴിൽ മേഖലയിൽ സ്ത്രീശാക്തീകരണം ലക്ഷ്യമിട്ട് ജില്ലാ വ്യവസായകേന്ദ്രം വഴിയാണ് ജില്ലാ പഞ്ചായത്ത് പദ്ധതി നടപ്പിലാക്കുന്നത്. പദ്ധതിയിലൂടെ വനിതാ സംരംഭകർക്ക് വ്യവസായങ്ങൾ ആരംഭിക്കുന്നതിന് ജില്ലാ പഞ്ചായത്ത് സബ്‌സിഡി നൽകും.

വാഴക്കുളം ബ്ലോക്ക് പഞ്ചായത്ത് പ്രസിഡന്റ് കെ.എം. അൻവർ അലി അദ്ധ്യക്ഷത വഹിച്ചു. ജില്ലാപഞ്ചായത്ത് അംഗം പിഎം.നാസർ, ബ്ലോക്ക് പഞ്ചായത്ത് അംഗം കെ.വി രാജു, മുൻ അംഗം വിനോദ്, കുടുംബശ്രീ അംഗങ്ങൾ തുടങ്ങിയവർ പങ്കെടുത്തു.