പെരുമ്പാവൂർ: ലയൺസ് ക്ലബ്ബ് ഇന്റർനാഷണൽ ഡിസ്ട്രിക്ട് 318 സിയുടെ ആഭിമുഖ്യത്തിൽ ഇടുക്കി, എറണാകുളം, ആലപ്പുഴ ജില്ലകളിലെ വിദ്യാർത്ഥികൾക്ക് സ്‌കൂൾ ബാഗ് വിതരണം ചെയ്യും. പദ്ധതിയുടെ ജില്ലാതല ഉദ്ഘാടനം ഇന്ന് വൈകിട്ട് 4ന് ജെബി മേത്തർ എം.പി. നിർവഹിക്കും. ലയൺസ് ക്ലബ്ബ് ഡിസ്ട്രിക്ട് ഗവർണർ ഡോ. ജോസഫ് മനോജ് അദ്ധ്യക്ഷത വഹിക്കും. ശുചീകരണ തൊഴിലാളികൾക്കുള്ള മഴക്കോട്ടുകളുടെ വിതരണോദ്ഘാടനം എൽദോസ് കുന്നപ്പിള്ളി എം.എൽ.എ. നിർവഹിക്കും. മുൻ വൈസ് ഡിസ്ട്രിക് ഗവർണർ ഡോ. ബീന രവികുമാർ, ഡിസ്ട്രിക്ട് ക്യാബിനറ്റ് സെക്രട്ടറി പ്രെഫസർ സാംസൺ തോമസ്, ഡിസ്ട്രിക്ട് ക്യാബിനറ്റ് ട്രഷറർ ടി.പി. സജി, ജോർജ് സാജു തുടങ്ങിയവർ പങ്കെടുക്കും.