വൈപ്പിൻ: വൈപ്പിൻ മണ്ഡലത്തിലെ 33 റോഡുകളുടെ പുനരുദ്ധാരണത്തിന് 2.66 കോടി അനുവദിച്ചു. എളങ്കുന്നപ്പുഴ ഗ്രാമ പഞ്ചായത്തിൽ ആറു റോഡുകൾക്കായി 52 ലക്ഷം രൂപയും കടമക്കുടിയിൽ രണ്ടു റോഡുകൾക്കായി 18 ലക്ഷവും എടവനക്കാട് നാല് റോഡുകൾക്കായി 34 ലക്ഷവും കുഴുപ്പിള്ളിയിൽ അഞ്ചു റോഡുകൾക്ക് 40 ലക്ഷവും പള്ളിപ്പുറത്ത് എട്ടു റോഡുകൾക്ക് 58 ലക്ഷവും ഞാറക്കലിൽ നാല് റോഡുകൾക്ക് 32 ലക്ഷവും നായരമ്പലത്ത് നാല് റോഡുകൾക്കായി 32 ലക്ഷവുമാണ് ഭാരണാനുമതിയായതായി കെ. എൻ. ഉണ്ണിക്കൃഷ്ണൻ എം.എൽ.എ. അറിയിച്ചു. .
എളങ്കുന്നപ്പുഴ പ്രിയദർശിനി റോഡിന് 10 ലക്ഷം, കാട്ടാശ്ശേരി റോഡിന് 10 ലക്ഷം, സീ സൈഡ് സെറ്റിൽമെന്റ് റോഡിന് 8 ലക്ഷം, അലങ്കാർ റോഡിന് 8 ലക്ഷം, മുട്ടപുഴ റോഡിന് 8 ലക്ഷം ഫിഷർമെൻ റോഡിന് 8 ലക്ഷം എന്നിങ്ങനെയാണ് തുക അനുവദിച്ചത്. കടമക്കുടി ഗ്രാമ പഞ്ചായത്തിൽ മാത്യു തോടകത്ത് റോഡിന് 10 ലക്ഷവും കടമക്കുടി മെയിൻ റോഡിന് 8 ലക്ഷവും രൂപ വീതം ഭരണാനുമതിയായി.
എടവനക്കാട് പഞ്ചായത്തിലെ ബാലസദനം റോഡിനും ഇല്ലത്തുപടി വെസ്റ്റ് റോഡ് സെക്കൻഡ് നോർത്ത് റോഡിനും പി. എ. സെയ്ത് മുഹമ്മദ് റോഡ് നോർത്ത് ഈസ്റ്റ് സൗത്ത് റോഡ് ടാറിംഗിനും എട്ടു ലക്ഷം വീതവും പി എ സെയ്ത് മുഹമ്മദ് റോഡ് എം.പി പാലം ഈസ്റ്റ് നോർത്ത് എക്സ്റ്റൻഷൻ റോഡ് റീടാറിംഗിന് 10 ലക്ഷവും അനുവദിച്ചു.
കുഴുപ്പിള്ളിയിൽ പള്ളത്താംകുളങ്ങര നികത്തിൽ റോഡിനും സെന്റ് ജോൺസ് എൽ. പി. സ്‌കൂൾ റോഡിനും 8 ലക്ഷം വീതവും കാരുണ്യം മാരായി റോഡിനും സുബ്രഹ്മണ്യ സ്വാമി ക്ഷേത്രം ചിറ റോഡിനും 9 ലക്ഷം വീതവും കാവുങ്കൽ ടെമ്പിൾ റോഡിന് 6 ലക്ഷവും അനുവദിച്ചു. പള്ളിപ്പുറം പഞ്ചായത്തിലെ ചെറായി ചിരുതപെണ്ണ് മൈതാനം റോഡിനും അരയത്തി കടവ് റോഡിനും, രാമവർമ്മ ഐ. എച്ച്. ഡി. പി. റോഡിനും സാമൂഹ്യ സേവാ സംഘം റോഡിനും മുനമ്പം രവീന്ദ്ര പാലത്തിനു വടക്കു സമാന്തര റോഡിനും കൊച്ചു കടപ്പുറം റോഡിനും 8 ലക്ഷം രൂപ വീതവും ബീച്ച് പൊയിൽ റോഡിനും മലർവാടി റോഡിനും 5 ലക്ഷം വീതവും അനുവദിച്ചിട്ടുണ്ട്.
ഞാറക്കൽ ഗ്രാമ പഞ്ചായത്തിൽ കനാൽ റോഡിനും എസ്. എൻ. റോഡിനും ആറാം വാർഡിലെ ചെറുപുഷ്പം റോഡിനും ലക്ഷം വീട് റോഡിനും 8 ലക്ഷം രൂപ വീതം ഭരണാനുമതിയായി. നായരമ്പലം പഞ്ചായത്തിൽ കടേകുരിശിങ്കൽ, നെടുങ്ങാട് ബോട്ട് ജെട്ടി, നികത്തിൽ, ടെമ്പിൾ ഈസ്റ്റ് റോഡുകൾക്കായി 8 ലക്ഷം വീതവുമാണ് അനുവദിച്ചത്.