തൊടുപുഴ: സംസ്ഥാന സ്‌പോർട്‌സ് കൗൺസിൽ സംഘടിപ്പിക്കുന്ന 35-ാമത് യൂത്ത് വോളിബോൾ ചാമ്പ്യൻഷിപ്പിന് തൊടുപുഴ ന്യൂമാൻ കോളേജ് ഇൻഡോർ സ്റ്റേഡിയത്തിൽ തുടക്കമായി. ചാമ്പ്യൻഷിപ്പിന്റെ ഉദ്ഘാടനം ഡീൻ കുര്യാക്കോസ് എം.പി നിർവഹിച്ചു. തൊടുപുഴ നഗരസഭ അദ്ധ്യക്ഷൻ സനീഷ് ജോർജ് അദ്ധ്യക്ഷനായി. സംസ്ഥാന സ്‌പോർട്‌സ് കൗൺസിൽ മെമ്പർ കെ.എൽ. ജോസഫ്, ജില്ലാ സ്‌പോർട്‌സ് കൗൺസിൽ പ്രസിഡന്റ് റോമിയോ സെബാസ്റ്റ്യൻ, സെക്രട്ടറി പി.കെ. കുര്യാക്കോസ്, എക്‌സിക്യൂട്ടീവ് കമ്മിറ്റി മെമ്പർ അനസ് ഇബ്രാഹിം, മുൻസിപ്പൽ കൗൺസിലർമാരായ ശ്രീലക്ഷ്മി സുധീപ്, സഫിയ ജബ്ബാർ, ന്യൂമാൻ കോളേജ് മാനേജർ ഡോ. പയസ് മലേക്കണ്ടത്തിൽ, പ്രിൻസിപ്പൽ ഡോ. ബിജിമോൾ തോമസ്, ഫാ. ബെൻസ് നിരവത്തിനാൽ, ടി.ആർ. സോമൻ, മുഹമ്മദ് ഫൈസൽ എന്നിവർ സംസാരിച്ചു. 21 വരെ നടക്കുന്ന പുരുഷാ- വനിതാ ടീമുകളുടെ മത്സരങ്ങളിൽ നാനൂറോളം മത്സരാർത്ഥികൾ മാറ്റുരയ്ക്കും. 14 ജില്ലകളിൽ നിന്നായി 28 ടീമുകളാണ് മത്സരത്തിൽ പങ്കെടുക്കുക.