പീരുമേട്: പ്രൈവറ്റ് ബിൽഡിംഗ് കോൺട്രാക്ടേഴ്‌സ് അസോസിയേഷൻ വണ്ടിപ്പെരിയാർ യൂണിറ്റിന്റെ നേതൃത്വത്തിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. വാഴൂർ സോമൻ എം.എൽ.എ ഉദ്ഘാടനം നിർവ്വഹിച്ചു. കാഞ്ഞിരപ്പള്ളി മേരി ക്യൂൻസ് മിഷൻ ആശുപത്രിയുമായി സഹകരിച്ചാണ് സൗജന്യ മെഡിക്കൽ ക്യാമ്പ് സംഘടിപ്പിച്ചത്. പി.ബി.സി.എ. സംസ്ഥാന കമ്മറ്റിയംഗം കെ.ആർ. രാധാകൃഷ്ണൻ അദ്ധ്യക്ഷനായിരുന്നു. സംഘാടകസമിതി ചെയർമാൻ പി.കെ. ഗോപിനാഥൻ സ്വാഗതമാശംസിച്ചു. അഴുത ബ്ലോക്ക് വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്‌സൺ ആർ. സെൽവത്തായി,​ മേരിക്യൂൻസ് ആശുപത്രി ജോയിന്റ് ഡയറക്ടർ പ്രൊവിൻഷ്യാൾ ഡോക്ടർ തോമസ് മതിലകത്ത്,​ വ്യാപാരി വ്യവസായി സമിതി സെക്രട്ടറി ജെ. ജയകുമാ​ർ,​ പി.ബി.സി.എ ഏരിയാ പ്രസിഡന്റ് പി.ജി. സുനിൽകുമാർ,​ സെക്രട്ടറി ഷാർബിൻ തുടങ്ങിയവർ സംസാരിച്ചു. തുടർന്ന് വിദഗ്ദ്ധ ഡോക്ടർമാരടങ്ങുന്ന സംഘത്തിന്റെ നേതൃത്വത്തിൽ ജനറൽ മെഡിസിൻ,​ ഓർത്തോപീഡിക് ന്യൂറോ,​ ന്യൂറോ സർജറി,​ ജനറൽ ലാപ് & ഓങ്കോ സർജറി (ക്യാൻസർ),​ ഇ.എൻ.ടി പൾമനോളജി,​ ഗൈനക്കോളജി,​ പീഡിയാട്രിക്‌സ് തുടങ്ങിയ വിഭാഗങ്ങളിലായി പരിശോധനകൾ നടന്നു. രോഗികൾക്ക് മരുന്നും വിതരണം ചെയ്തു.