നെടുങ്കണ്ടം: എസ്.എൻ.ഡി.പി യോഗം പച്ചടി ശ്രീധരൻ സ്മാരക നെടുങ്കണ്ടം യൂണിയന്റെ നേതൃത്വത്തിൽ ജൂലായ് 2, 3 തീയതികളിലായി പ്രീ മാര്യേജ് കോഴ്സ് നടക്കും. യൂണിയൻ സെക്രട്ടറി സുധാകരൻ ആടിപ്ലാക്കൽ അദ്ധ്യക്ഷത വഹിക്കുന്ന യോഗം യൂണിയൻ പ്രസിഡന്റ് സജി പറമ്പത്ത് ഉദ്ഘാടനം ചെയ്യും. തുടർന്ന് 'ഗുരുധർമ്മം കുടുംബജീവിതത്തിൽ" എന്ന വിഷയത്തെ ആസ്പദമാക്കി ബിജു പുളിക്കലേടത്ത്, 'കുടുംബഭദ്രത" എന്ന വിഷയത്തിൽ പായിപ്രദമനൻ എന്നിവരും ആദ്യ ദിവസം ക്ലാസുകൾ നയിക്കും. രണ്ടാം ദിവസം രാവിലെ 9.30ന് സംഘടന എന്ന വിഷയത്തിൽ കെ.എൻ. തങ്കപ്പൻ, 'സ്ത്രീ- പുരുഷ ലൈംഗികത" എന്ന വിഷയത്തിൽ ടി.ആർ. ശരത്, 'ഗർഭധാരണം, പ്രസവം, ശിശു പരിപാലനം" എന്നീ ക്ലാസുകൾ പി.ജി. ശോഭനകുമാരി നയിക്കും.