ഇടുക്കി: ജൈവവൈവിദ്ധ്യ സംരക്ഷണ രംഗത്തെ മികച്ച സംഭാവനകൾക്ക് വനംവന്യജീവിവകുപ്പ് വനമിത്ര അവാർഡ് നൽകുന്നു. 25000രൂപയും പ്രശസ്തിപത്രവും അടങ്ങുന്നതാണ് അവാർഡ്. കാവുകൾ, ഔഷധച്ചെടികൾ, കാർഷിക ജൈവവൈവിധ്യം മുതലായവയുടെ സംരക്ഷണത്തിലൂടെ പ്രാദേശിക ജൈവവൈവിധ്യം പരിരക്ഷിക്കുന്നതിന് നടത്തിയ പ്രവർത്തനങ്ങളാണ് അവാർഡിന് പരിഗണിക്കുന്നത്. വ്യക്തികൾക്കും സന്നദ്ധസംഘടനകൾക്കും വിദ്യാഭ്യാസ സ്ഥാപനങ്ങൾക്കും കർഷകർക്കും അവാർഡിന് അപേക്ഷിക്കാം. അസിസ്റ്റന്റ് ഫോറസ്റ്റ് കൺസർവേറ്റർ, സോഷ്യൽഫോറസ്ട്രി ഡിവിഷൻ, ഇടുക്കി, സഹ്യസാനു ഫോറസ്റ്റ് കോംപ്ലക്‌സ്, വെള്ളാപ്പാറ, പൈനാവ് പി.ഒ 685 603 എന്ന വിലാസത്തിൽ ജൂലായ് 15ന് മുമ്പായി അപേക്ഷ സമർപ്പിക്കണം. അപേക്ഷയോടൊപ്പം അവാർഡിനുള്ള അർഹത തെളിയിക്കുന്ന വിവരങ്ങൾ അടങ്ങിയ ഒരു കുറിപ്പും തെളിവിലേയ്ക്കായി പ്രസക്തമായരേഖകൾ, ഫോട്ടോഗ്രാഫുകൾ എന്നിവയും ഉൾപ്പെടുത്തണം. കൂടുതൽ വിവരങ്ങൾക്ക് ഇടുക്കി ജില്ലാ സാമൂഹ്യ വനവത്ക്കരണ വിഭാഗം അസിസ്റ്റന്റ് ഫോറസ്റ്റ് കൺസർവേറ്ററുടെ ഓഫീസിൽ 04862232505 എന്ന ഫോൺ നമ്പരിൽ ബന്ധപ്പെടാം.