കട്ടപ്പന: നിർമാണം പൂർത്തീകരിച്ച കട്ടപ്പന പള്ളിക്കവല ജ്യോതിസ് ജംഗ്ഷൻ റോഡിന്റെ ഉദ്ഘാടനം ജല വിഭവ മന്ത്രി റോഷി അഗസ്റ്റിൻ നിർവഹിച്ചു. ഒരു കോടി രൂപ മുതൽ മുടക്കിയാണ് റോഡ് ബി എം ആൻഡ് ബി സി നിലവാരത്തിലേക്ക് ഉയർത്തിയത്. കട്ടപ്പന ടൗണിലെ വാഹനത്തിരക്ക് ഒരു പരിധി വരെ കുറയ്ക്കാൻ ഈ റോഡ് ഏറെ ഗുണകരമാകുമെന്ന് മന്ത്രി പറഞ്ഞു. ജംഗ്ഷൻ നവീകരണത്തിനായി പുതിയ പ്രൊജ്ര്രക് നടപ്പിലാക്കും. റോഡിന്റെ കുറച്ചു ഭാഗം കൂടി പണി പൂർത്തീകരിക്കേണ്ടതുണ്ടെന്നും അതിനായി 12 ലക്ഷം രൂപ അനുവദിച്ചതായും ടെണ്ടർ നടപടികൾ പൂർത്തീകരിച്ചതായും മന്ത്രി അറിയിച്ചു. മുൻസിപ്പൽ ചെയർപേഴ്‌സൻ ബീന ജോബി, നഗരസഭ അംഗങ്ങളായ ജാൻസി ബേബി, ഷാജി കൂത്തോടി, സോണിയ ജെയ്ബി തുടങ്ങിയവർ പങ്കെടുത്തു.