ഇടുക്കി: ജില്ലാ ലീഗൽ സർവീസസ് അതോറിറ്റിയുടെ നേതൃത്വത്തിൽ സംഘടിപ്പിച്ച ലോക് അദാലത്തിൽ 6405 കേസുകൾ തീർപ്പാക്കി.കേരള എപ്പിഡെമിക് ഡിസീസസ് ഓർഡിനൻസ് (കെ ഇ ഡി ഒ) പ്രകാരമുള്ള കേസുകൾ ഉൾപ്പെടെ ജില്ലയിലെ മജിസ്ട്രേറ്റ് കോടതികളിൽ കെട്ടിക്കിടന്ന 5468 പിഴ ഒടുക്കിത്തീർക്കാവുന്ന കേസുകൾ,3,34,60,875 രൂപയുടെ 123 എം.എ.സി.റ്റി കേസുകൾ, മറ്റു വിവിധ കേസുകൾ എന്നിവയിലൂട 10, 36,86,642 രൂപയുടെ വ്യവഹാരങ്ങൾ എന്നിങ്ങനെയാണ് തീർപ്പാക്കിയത്. 74,099,75 രൂപ പിഴയിനത്തിൽ ഗവൺമെന്റിലേക്ക് ഒടുക്കുകയുണ്ടായി.ഇടുക്കി ജില്ലാ ജഡ്ജി ശശി കുമാർ പി സ്,ജില്ലാ നിയമ സേവന അതോറിറ്റി സെക്രട്ടറി യും സബ്ജഡ്ജുമായ സിറാജുദ്ദീൻ പി എ എന്നിവർ അദാലത്തിന് നേതൃത്വം നൽകി.താലൂക്ക് ആസ്ഥാനങ്ങളിലെ അദാലത്തിന് താലൂക്ക് ലീഗൽ സർവീസസ് കമ്മിറ്റി ചെയർമാൻമാർ നേതൃത്വം നൽകി.അദാലത്തിൻ്റെ ഭാഗമായി ജില്ലയിലെ മജിസ്ട്രേറ്റ് കോടതികളിൽ പിഴയടച്ച് തീർക്കാവുന്ന കേസുകൾക്കായ് സ്പെഷ്യൽ സിറ്റിംഗ് ഏർപ്പെടുത്തിയിരുന്നു.