എക്സൈസ് ഉദ്യോഗസ്ഥൻ ഓട്ടോയ്ക്ക് അടിയിൽപ്പെട്ടു

പീരുമേട്: മദ്യവുമായി ഓട്ടോയിൽ പോയ യുവാവിനെ പിൻതുടർന്ന് എക്സൈസ് പിടികൂടി , വാഹനത്തിന്റെ ചില്ല് തകർത്ത് ഡ്രൈവർ രക്ഷപ്പെട്ടു. മറിഞ്ഞ ഓട്ടോയുടെ അടിയിൽപ്പെട്ട എക്സൈസ് ഉദ്യോഗസ്ഥനെ നാട്ടുകാർ രക്ഷപ്പെടുത്തി. ഇന്നലെ
കുമളി അട്ടപ്പള്ളം ഭാഗത്ത് വാഹന പരിശോധന നടത്തി വരവെ വെള്ളാരംകുന്ന് സ്റ്റാൻഡിൽ ഓട്ടോ ഓടിക്കുന്ന ബിനീഷ് വാത്തനം നിർത്താതെ എക്സൈസിനെ വെട്ടിച്ച് കടന്ന്കളഞ്ഞു. എക്‌സൈസ് പ്രിവന്റീവ് ഓഫീസർ രാജ്കുമാറിന്റെ നേതൃത്വത്തിൽ
വാഹനത്തിനെ പിൻതുടർന്നു ഓട്ടോ പിടിച്ചെടുത്തു. . തുടർന്ന് ഓട്ടോ റിക്ഷയിൽ കയറിയ രാജ്കുമാറുമായി അതിവേഗതയിൽ ഓടിച്ച് പോയ ഓട്ടോ റിക്ഷ അട്ടപ്പള്ളത്ത് റിസോർട്ടിന് സമീപം വളവിൽ മറിച്ചിട്ട ശേഷം ഡ്രൈവർ വാഹനത്തിന്റെ ചില്ല് ചവിട്ടി തകർത്ത് ഓടി രക്ഷപെട്ടു. പിൻതുടർന്ന് വന്ന എക്‌സൈസ് ഉദ്യോഗസ്ഥരും നാട്ടുകാരും ചേർന്നാണ് വാഹനം പൊക്കി മാറ്റി അടിയിൽ പെട്ട ഉദ്യോഗസ്ഥനെയും വാഹനത്തിലുണ്ടായിരുന്നമറ്റുള്ളവരെയും പുറത്തെടുത്തത്. വാഹനത്തിൽ നിന്നും ആറര ലിറ്റർ മദ്യം പിടിച്ചെടുത്ത് കേസെടുത്തു. . പ്രിവന്റീവ് ഓഫീസർ രാജ്കുമാറിനെക്കൂടാതെ സേവ്യർ പി.ഡി., സിവിൽ എക്‌സൈസ് ഓഫിസർ അനീഷ് റ്റി.എ. എന്നിവരും ചേർന്നാണ് കേസ് കണ്ടെത്തിയത്.