തളിപ്പറമ്പ്: തെങ്ങിൽ കുടുങ്ങിയ കള്ള് ചെത്ത് തൊഴിലാളിയെ അഗ്നിശമനസേന സാഹസികമായി രക്ഷപ്പെടുത്തി. പറശ്ശിനിക്കടവ് നണിയൂരിൽ മയ്യിൽ ചെറുപഴശി സ്വദേശിയായ ഷിബു കാമ്പ്രത്തി (39)നെയാണ് രക്ഷിച്ചത്. നണിയൂർ നമ്പ്രത്തെ മാധവന നമ്പ്യാരുടെ ഉടമസ്ഥതയിലുള്ള തെങ്ങിൽ ഷിബു കള്ള് ചെത്താന കയറിയതായിരുന്നു. തെങ്ങിന് മുകളിലെത്തിയപ്പോൾ ക്ഷീണം അനുഭവപ്പെട്ട ഷിബുവിന് താഴെയിറങ്ങാനായില്ല. പ്രദേശവാസികളായ രണ്ടുപേർ തെങ്ങിന് മുകളിൽ കയറി യുവാവിനെ പിടിച്ചുനിർത്തി അഗ്നിശമനസേനയെ വിവരമറിയിച്ചു. തളിപ്പറമ്പിൽ നിന്നും സ്റ്റേഷൻ ഓഫീസർ സി.പി. രാജേഷിന്റെ നേതൃത്വത്തിൽ എത്തിയ ഫയർ ആൻഡ‌് റെസ്‌ക്യൂ ഓഫീസർമാരായ പി.വി. ഗിരീഷ്, കെ.വി. അനൂപ്, കെ.പി. ഉമേഷ് എന്നിവർ ലാഡർ വഴി മുകളിലേക്ക് കയറി റെസ്‌ക്യൂനെറ്റ് ഉപയോഗിച്ചാണ് ഷിബുവിനെ താഴെയിറക്കിയത്. ഗ്രേഡ് അസി.സ്റ്റേഷൻ ഓഫീസർമാരായ കെ.വി. സഹദേവന, ഫിലിപ്പ് മാത്യു എന്നിവരും അഗ്നിശമനസേനാ സംഘത്തിൽ ഉണ്ടായിരുന്നു.