കുന്ദമംഗലം: കോൺഗ്രസ് ഭവനങ്ങൾ കേന്ദ്രീകരിച്ച് കോൺഗ്രസ് യൂണിറ്റ് കമ്മിറ്റി രൂപികരണം (സി.യു.സി) കുന്ദമംഗലം മണ്ഡലത്തിൽ ആരംഭിച്ചു. പതിനൊന്നാം ബൂത്ത്‌ കരുവാരപ്പറ്റ സി.യു.സി.രൂപീകരണയോഗം ഡി.സി.സി ജനറൽ സെക്രട്ടറിയും സി.യു.സി.ജില്ലാ കോ ഓർഡിനേറ്ററുമായ വിനോദ് പടനിലം ഉദ്ഘാടനം ചെയ്തു. എം.വി.കേളുക്കുട്ടി, സി.വി.സംജിത്ത്, വി.പി.പത്മനാഭൻ നായർ,സ്മിത കരുവാരപ്പറ്റ, ലീല വട്ടംപാറക്കൽ എന്നിവർ പ്രസംഗിച്ചു. മണ്ഡലം ജനറൽ സെക്രട്ടറി സുബ്രഹ്മണ്യൻ കോണിക്കൽ അദ്ധ്യക്ഷത വഹിച്ചു. ബാബു കൊടമ്പാട്ടിൽ സ്വാഗതവും എ.പി. അബ്ദുറഹിമാൻ നന്ദിയും പറഞ്ഞു. ഭാരവാഹികളായി ബാബു കൊടമ്പാട്ടിൽ (പ്രസിഡന്റ്‌), എ.പി.അബ്ദുറഹിമാൻ (സെക്രട്ടറി ), സ്മിത കരുവാരപ്പറ്റ (ട്രഷറർ) എന്നിവരെ തെരഞ്ഞെടുത്തു.