കോഴിക്കോട്: ചക്കിട്ടപാറ ഗ്രാമപഞ്ചായത്ത് 2021-22 വാർഷിക പദ്ധതിയിൽ ഉൾപ്പെടുത്തി ചെമ്പനോട സെന്റ് ജോസഫ് ഹൈസ്‌കൂളിൽ നിർമിച്ച ശുചിമുറി സമുച്ചയങ്ങളുടെ ഉദ്ഘാടനം പഞ്ചായത്ത് പ്രസിഡന്റ് കെ സുനിൽ നിർവഹിച്ചു. യു.പി, ഹൈസ്‌കൂൾ വിഭാഗങ്ങളിലായി 12 ലക്ഷം രൂപ ചിലവഴിച്ച് രണ്ട് ശുചിമുറി കെട്ടിടങ്ങളാണ് നിർമിച്ചത്. ആരോഗ്യവിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ഇ.എം ശ്രീജിത്ത് അദ്ധ്യക്ഷത വഹിച്ചു. പഞ്ചായത്തംഗങ്ങളായ സി.കെ ശശി, കെ.എ. ജോസുകുട്ടി, ലൈസ ജോർജ്, പ്രിൻസിപ്പൽ വി.കെ ഷാന്റി, പി.ടി.എ പ്രസിഡന്റ് ജോബി എടച്ചേരി എന്നിവർ പ്രസംഗിച്ചു.