കുന്ദമംഗലം: കാരന്തൂർ എ.എം.എൽ.പി സ്കൂളിൽ ആധുനിക സൗകര്യങ്ങളോടെ നിർമ്മിച്ച പാചകപ്പുര അഡ്വ. പി.ടി.എ റഹീം എം.എൽ.എ ഉദ്ഘാടനം ചെയ്തു. എം.എൽ.എയുടെ മണ്ഡലം ആസ്തി വികസന പദ്ധതിയിൽ ഉൾപ്പെടുത്തി അനുവദിച്ച 10 ലക്ഷം രൂപ ചെലവിലാണ് പുതിയ കെട്ടിടം നിർമ്മിച്ചത്. സ്ക്കൂൾ മാനേജർ എം ബീരാൻ ഹാജി അദ്ധ്യക്ഷത വഹിച്ചു. കുന്ദമംഗലം ഗ്രാമപഞ്ചായത്ത് പ്രസിഡന്റ് ലിജി പുൽക്കുന്നുമ്മൽ മുഖ്യാതിഥിയായി. ഗ്രാമപഞ്ചായത്ത് വിദ്യാഭ്യാസ സ്ഥിരം സമിതി അദ്ധ്യക്ഷൻ ചന്ദ്രൻ തിരുവലത്ത്, മെമ്പർ ഷൈജ വളപ്പിൽ, എ.ഇ.ഒ. കെ.ജെ പോൾ, പൂർവ്വ വിദ്യാർത്ഥി സംഘടന പ്രസിഡന്റ് മുഹമ്മദ് എടക്കോത്ത്, പി അഷ്റഫ് ഹാജി, പ്രൊഫ. പി കോയ എന്നിവർ പ്രസംഗിച്ചു. പി.ടി.എ പ്രസിഡന്റ് സിദ്ദിഖ് തെക്കയിൽ സ്വാഗതവും പ്രധാനാദ്ധ്യാപകൻ കെ ബഷീർ നന്ദിയും പറഞ്ഞു.