കുന്ദമംഗലം: കേരള വനം വന്യജീവി വകുപ്പിന്റെ സാമൂഹ്യ വനവത്കരണ വിഭാഗം കോഴിക്കോട് ഡിവിഷൻ നടപ്പിലാക്കുന്ന ഫോറസ്ട്രി ക്ലബ്ബുകൾക്കുള്ള "വിദ്യാവനം" പദ്ധതി മടവൂർ ചക്കാലക്കൽ ഹയർ സെക്കൻഡറി സ്കൂളിൽ തുടക്കമായി. മടവൂർ ഗ്രാമപഞ്ചായത്ത് പ്രസിഡന്റ് രാഘവൻ അടുക്കത്ത് ഉദ്ഘാടനം ചെയ്തു. സോഷ്യൽ ഫോറസ്ട്രി റേഞ്ച് ഫോറസ്റ്റ് ഓഫീസർ വിജേഷ് കുമാർ വി അദ്ധ്യക്ഷത വഹിച്ചു.വനമിത്ര അവാർഡ് ജേതാവും പരിസ്ഥിതി പ്രവർത്തകനുമായ വി.മുഹമ്മദ് കോയ മുഖ്യാതിത്ഥിയായി. ഗ്രീൻ കൺസർവേറ്റർ ഡോ: ആരിഫ് പി കെ, അസി. ഗ്രീൻ കൺസർവേറ്റർ ജിതുല ശ്രീനിവാസ്‌, ക്യാപ്റ്റൻ ഫുആദ് ശംസുദ്ധീൻ, വൈസ് ക്യാപ്റ്റൻ ഇൻഷ ഫാത്തിമ എന്നിവർ വിദ്യാവനം ബാഡ്ജ് ഏറ്റുവാങ്ങി. മടവൂർ ഗ്രാമ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ഫെബിന അബ്ദുൽ അസീസ്, വാർഡ് മെമ്പർ സോഷ്മ സുർജിത്, പി.ടി.എ പ്രസിഡന്റ് ജാഫർ ,സ്കൂൾ മാനേജർ പി.കെ സുലൈമാൻ ,പ്രധാനാദ്ധ്യാപകൻ വി.മുഹമ്മദ് ബഷീർ, പി.ടി.എ വൈസ് പ്രസിഡന്റ് സലീം മുട്ടാഞ്ചേരി,വൈസ് പ്രിൻസിപ്പൽ സിറാജുദ്ധീൻ എം, സെക്ഷൻ ഫോറസ്റ്റ് ഓഫീസർ സുബൈർ കെ എന്നിവർ പ്രസംഗിച്ചു. പ്രിൻസിപ്പൽ എം.കെ രാജി സ്വാഗതവും സ്റ്റാഫ് സെക്രട്ടറി വി.പി സുബൈർ നന്ദിയും പറഞ്ഞു.