കോട്ടയം: കോരുത്തോട് പ്രാഥമികാരോഗ്യകേന്ദ്രത്തിൽ ഈവനിംഗ് ഒ.പി. നടത്തുന്നതിന് ദിവസവേതനാടിസ്ഥാനത്തിൽ ഡോക്ടർ, സ്റ്റാഫ് നഴ്‌സ്, ഫാർമസിസ്റ്റ് എന്നിവരെ നിയമിക്കുന്നു. ഡോക്ടർ തസ്തികയിലേക്ക് എം.ബി.ബി.എസ്., ടി.സി. എം.സി രജിസ്‌ട്രേഷൻ നിർബന്ധം. സ്റ്റാഫ് നഴ്‌സ് തസ്തികയിലേക്ക് ബി.എസ്‌സി നഴ്‌സിംഗ്, ജനറൽ നഴ്‌സിംഗ്, കേരള നഴ്‌സിംഗ് കൗൺസിൽ രജിസ്‌ട്രേഷൻ നിർബന്ധം, രണ്ടുവർഷം പ്രവൃത്തിപരിചയം. ഡി ഫാം, ഫാർമസി കൗൺസിൽ രജിസ്‌ട്രേഷനും രണ്ടുവർഷം പ്രവൃത്തിപരിചയമുള്ളവർക്ക് ഫാർമസിസ്റ്റ് തസ്തികയിലേക്ക് അപേക്ഷിക്കാം. ഡോക്ടർ ഒഴികെയുള്ള ഒഴിവുകൾക്ക് പ്രായപരിധി 36 വയസ്. കൊവിഡ് ബ്രിഗേഡായി ജോലി ചെയ്തവർക്ക് മുൻഗണന. ഉദ്യോഗാർഥികൾ യോഗ്യത, രജിസ്‌ട്രേഷൻ തെളിയിക്കുന്ന രേഖകൾ, സി.വി. എന്നിവ 18ന് വൈകിട്ട് നാലിനകം കോരുത്തോട് പി.എച്ച്.സി ഓഫീസിൽ നൽകണം. അഭിമുഖ തീയതി ഫോണിലൂടെ അറിയിക്കും. ഫോൺ: 9526685031.