പാലാ : മാണി സി കാപ്പൻ എം.എൽ.എയെ പൊതുപരിപാടികളിൽ ബോധപൂർവം ഒഴിവാക്കി എൽ.ഡി.എഫ് രാഷ്ട്രീയ വിരോധം തീർക്കുകയാണെന്ന് യു.ഡി.എഫ് നേതാക്കൾ കുറ്റപ്പെടുത്തി. രാജ്യസഭ എം.പി ഉദ്ഘാടകനും, ലോക്‌സഭ എം.പി അദ്ധ്യക്ഷനായി സംഘടിപ്പിക്കുന്ന പരിപാടികളിൽ എം.എൽ.എയെ അപമാനിക്കുന്നത് പാലായിലെ ജനങ്ങളോടുള്ള വെല്ലുവിളിയാണ്. ഇത്തരം തരംതരംതാഴ്ന്ന നടപടി അവസാനിപ്പിച്ചില്ലെങ്കിൽ ശക്തമായ പ്രതിഷേധ പരിപാടികൾക്ക് രൂപം കൊടുക്കും. പാലായിലെ വികസനപ്രവർത്തനങ്ങൾ മുഴുവൻ തടഞ്ഞുവച്ചിരിക്കുന്നത് ജനങ്ങൾ തിരിച്ചറിയണമെന്നും നേതാക്കൾ പറഞ്ഞു. യു.ഡി.എഫ് ജില്ലാ ചെയർമാൻ സജി മഞ്ഞക്കടമ്പിൽ, ആർ.സജീവ്, ടോം കോഴിക്കോട്ട്, സിബി അഴകൻ പറമ്പിൽ, എം.പി.കൃഷ്ണൻനായർ, ജോസഫ് കൊച്ചു കുടി മത്തച്ചൻ അരീപ്പറമ്പിൽ, ജോസ് പ്ലാശനാൽ, സിബി ചക്കാല ക്കൽ, ബിന്ദു ബിനു, റീത്താമ്മ ജോർജ് തുടങ്ങിയവർ പത്രസമ്മേളനത്തിൽ പങ്കെടുത്തു.