കോട്ടയം: എസ്.എൻ.ഡി.പി യോഗം വനിതാസംഘം കോട്ടയം യൂണിയൻ വാർഷികം നാളെ രാവിലെ 10.30ന് നാഗമ്പടം ശിവഗിരി തീർത്ഥാടനാനുമതി സ്മാരക പവലിയനിൽ യൂണിയൻ പ്രസിഡന്റ് എം.മധു ഉദ്ഘാടനം ചെയ്യും. വനിതാസംഘം കേന്ദ്ര സമിതി സെക്രട്ടറി അഡ്വ.സംഗീതാ വിശ്വനാഥ് അദ്ധ്യക്ഷത വഹിക്കും. കേന്ദ്രസമിതി പ്രസിഡന്റ് കെ.പി കൃഷ്ണകുമാരി, യോഗം കൗൺസിലർ എ.ജി തങ്കപ്പൻ, യൂണിയൻ സെക്രട്ടറി ആർ.രാജീവ്, വൈസ് പ്രസിഡന്റ് വി.എം ശശി, വനിതാസംഘം കേന്ദ്ര കമ്മിറ്റിയംഗം ഷൈലജ രവീന്ദ്രൻ , യൂത്ത്മൂവ്‌മെന്റ് യൂണിയൻ പ്രസിഡന്റ് ലിനീഷ് ടി.ആക്കളം എന്നിവർ പ്രസംഗിക്കും.

വനിതാസംഘം യൂണിയൻ സെക്രട്ടറി കൃഷ്ണമ്മ പ്രകാശ് കണക്കും റിപ്പോർട്ടും, 2022 2023 ലേയ്ക്കുള്ള ബഡ്ജറ്റും അവതരിപ്പിക്കും. തുടർന്ന് തിരഞ്ഞെടുപ്പ്. വനിതാസംഘം യൂണിയൻ പ്രസിഡന്റ് ഇന്ദിരാ രാജപ്പൻ സ്വാഗതവും വൈസ് പ്രസിഡന്റ് ശ്യാമള വിജയൻ നന്ദിയും പറയും.