തലയോലപ്പറമ്പ് : എസ്.എൻ.ഡി.പി യോഗം 1801-ാം നമ്പർ ഇറുമ്പയം ശാഖയിലെ 905 ാം നമ്പർ വനിതാ സംഘത്തിന്റെ വാർഷിക പൊതുയോഗവും ശ്രീനാരായണ വനിതാസംഗമവും യൂണിയൻ സെക്രട്ടറി എസ്.ഡി സുരേഷ് ബാബു ഉദ്ഘാടനം ചെയ്തു. വനിതാസംഘം പ്രസിഡന്റ് നളിനി ഗോപാലൻ ഭദ്റദീപ പ്രകാശനം നടത്തി. വനിതാസംഘം യൂണിയൻ പ്രസിഡന്റ് ജയ അനിൽ അദ്ധ്യക്ഷത വഹിച്ചു. സെക്റട്ടറി ലതാ അശോകൻ റിപ്പോർട്ടും കണക്കും അവതരിപ്പിച്ചു.തിരഞ്ഞെടുപ്പിന് യൂണിയൻ വനിതാസംഘം സെക്രട്ടറി ധന്യ പുരുഷോത്തമൻ, ശാഖാ പ്രസിഡന്റ് പി.എം അനിൽകുമാർ, സെക്രട്ടറി കെ.കെ.എം സോമൻ, പ്രിൻസ് ലാൽ തുടങ്ങിയവർ പ്രസംഗിച്ചു. പുതിയ ഭാരവാഹികളായി ലതാ അശോകൻ (പ്രസിഡന്റ്), ഷൈല വിനീഷ് (വൈസ് പ്രസിഡന്റ്), ഷീജ മോഹൻദാസ് (സെക്രട്ടറി), ശോഭ രാജപ്പൻ (ട്രഷറർ) കമ്മി​റ്റി അംഗങ്ങളായി മിനി റെജി, പ്രീത പുരുഷൻ, ഗ്രേസി ദേവരാജൻ, സീത സാബു, ചന്ദ്രമ്മ, കുഞ്ഞുമോൾ രാജു, കുശലപുരുഷൻ എന്നിവരെയും തെരഞ്ഞെടുത്തു. മിനി സുദർശനൻ സ്വാഗതവും മിനി റെജി നന്ദിയും പറഞ്ഞു.