മു​ണ്ട​ക്ക​യം: എന്തൊരു ദുർഗതിയാണ്. ഞങ്ങൾ എങ്ങനെ വഴിനടക്കും! കാൽനടയാത്രികരുടെ ശാപവാക്കുകൾ അവസാനിക്കുന്നില്ല. മു​ണ്ട​ക്ക​യം ബ​സ് സ്റ്റാ​ൻ​ഡി​ലെ കം​ഫ​ർ​ട്ട് സ്റ്റേ​ഷ​നി​ൽ നിന്നുള്ള മ​ലി​ന​ജ​ലം പൊ​തു​നി​ര​ത്തി​ലൂ​ടെ പരന്നൊഴുകുമ്പോൾ കാൽനടയാത്രികർക്ക് അത്രയേറെ ദുരിതമാണ്.

ബി.​ഒ​.ടി അ​ടി​സ്ഥാ​ന​ത്തി​ൽ പ്ര​വ​ർ​ത്തി​ക്കു​ന്ന കം​ഫ​ർ​ട്ട് സ്റ്റേ​ഷ​ന്‍റെ മാ​ലി​ന്യ​ ടാ​ങ്ക് നി​റ​ഞ്ഞതാണ് മ​ലി​ന​ജ​ലം പൊ​തു​നി​ര​ത്തി​ലൂ​ടെ ഒ​ഴുകാൻ കാരണം. മഴ കൂടി പെയ്താൽ വഴി നടക്കാൻ കഴിയാത്ത അവസ്ഥ. ബ​സ് സ്റ്റാ​ൻ​ഡി​നോ​ട് ചേ​ർ​ന്ന് ടാ​ക്സി സ്റ്റാ​ൻ​ഡ് പ്ര​വ​ർ​ത്തി​ക്കു​ന്ന ഭാ​ഗ​ത്താണ് മ​ലി​ന​ജ​ലം പ​ര​ന്നൊ​ഴു​കുന്നത്. ഇ​ങ്ങ​നെ ഒ​ഴു​കു​ന്ന മ​ലി​ന​ജ​ലം മു​ണ്ട​ക്ക​യം ടൗ​ണി​ലെ ഓ​ട​യി​ലേ​ക്കാണ് എത്തുന്നത്. ടൗ​ണി​ലെ അ​ഴു​ക്കു​ചാ​ലി​ലെ മ​ലി​ന​ജ​ലം മ​ണി​മ​ല​യാ​റ്റി​ലെ​ക്ക് ഒ​ഴു​ക്കു​ന്ന​തി​നെ​തി​രേ പ്ര​തി​ഷേ​ധം വ്യാ​പ​ക​മാ​യി​രി​ക്കു​ന്ന​തി​നി​ടെ​യാ​ണ് കം​ഫ​ർ​ട്ട് സ്റ്റേ​ഷ​നി​ൽനി​ന്നു​ള്ള മ​ലി​ന​ജ​ലം കൂ​ടി അ​ഴു​ക്കു​ചാ​ലിലേക്ക് എത്തുന്നത്.

വ്യാപാരികളും ദുരിതത്തിൽ

സ്വ​കാ​ര്യ വ്യാ​പാ​ര സ്ഥാ​പ​ന​ത്തി​ന് മു​ന്നി​ലൂ​ടെ മ​ലി​ന​ജ​ലം ഒ​ഴു​കു​ന്ന​ത് മൂ​ലം വ്യാ​പാ​രി​ക​ളും ദു​രി​ത​ത്തി​ലാ​ണ്. ഡെ​ങ്കി​പ്പ​നി​യും മ​ഞ്ഞ​പ്പി​ത്ത​മ​ട​ക്ക​മു​ള്ള സാം​ക്ര​മി​ക രോ​ഗ​ങ്ങ​ൾ പ​ട​ർ​ന്നുപി​ടി​ക്കു​ന്ന സാ​ഹ​ച​ര്യ​ത്തി​ൽ ഇ​തു ഗു​രു​ത​ര ആ​രോ​ഗ്യ​പ്ര​ശ്ന​ങ്ങ​ൾ​ക്ക് വ​ഴി​വെയ്ക്കും.