പൊൻകുന്നം: കുന്നുംഭാഗം ഗവ. സ്‌കൂളിൽ നടപ്പിലാക്കുന്ന പോഷക സമൃദ്ധ പ്രഭാത ഭക്ഷണ പദ്ധതി കാതൽ പ്രാതലിന്റെ ഉദ്ഘാടനം ഗവ. ചീഫ് വിപ്പ് ഡോ.എൻ. ജയരാജ് നിർവഹിച്ചു. ചിറക്കടവ് ഗ്രാമപഞ്ചായത്ത് പ്രസിഡന്റ് സി.ആർ. ശ്രീകുമാർ അധ്യക്ഷത വഹിച്ചു.

പൂർവവിദ്യാർത്ഥി കൂട്ടായ്മയായ കുന്നേൽ സ്‌കൂളിന്റെ കൂട്ടുകാർ എന്ന സോഷ്യൽ മീഡിയ കാമ്പയിൻ അഡ്വ. ഗിരീഷ് എസ്. നായർ ഉദ്ഘാടനം ചെയ്തു. ജില്ലാപഞ്ചായത്ത് ക്ഷേമകാര്യ സ്ഥിരം സമിതി അദ്ധ്യക്ഷൻ ടി.എൻ. ഗീരിഷ്‌കുമാർ, ബ്ലോക്ക് പഞ്ചായത്തംഗം ബി. രവിന്ദ്രൻ നായർ, പഞ്ചായത്തംഗം ആന്റണി മാർട്ടിൻ, ഹെഡ്മാസ്റ്റർ പി.എൻ. ജയചന്ദ്രൻ, എൽ.പി സ്‌കൂൾ ഹെഡ്മിസ്ട്രസ് എ.ജെ. ആച്ചിയമ്മ, പി.ടി.എ വൈസ് പ്രസിഡന്റ് രാധാകൃഷ്ണൻ, പഞ്ചായത്ത് അംഗങ്ങളായ അഡ്വ.സുമേഷ് ആൻഡ്രൂസ്, അമ്പിളി ശിവദാസ്, ഷാക്കി സജീവ്, കെ.എ. എബ്രാഹം, പൂർവവിദ്യാർത്ഥി പ്രതിനിധികളായ അഡ്വ. ഗീരിഷ്. എസ്. നായർ, കെ.ടി. തോമസ് കരിപ്പാപറമ്പിൽ, ബേബിച്ചൻ ഏർത്തയിൽ, മാർട്ടിൻ ജോൺ പേഴത്തുവയലിൽ, ടോമി കരിപ്പാപറമ്പിൽ, അനിൽകുമാർ വെട്ടിക്കാപള്ളിൽ എന്നിവർ സംസാരിച്ചു. വാർഡംഗവും ചിറക്കടവ് പഞ്ചായത്ത് ആരോഗ്യ, വിദ്യാഭ്യാസ സ്ഥിരം സമിതി അദ്ധ്യക്ഷനുമായ ആന്റണി മാർട്ടിൻ ജോസഫിന്റെ നേതൃത്വത്തിലാണ് പദ്ധതി നടപ്പിലാക്കുന്നത്.