വൈക്കം : കേരള ആരോഗ്യ സർവകലാശാലയിൽ ബാച്ചിലർ ഓഫ് ഫിസിയോതെറാപ്പി കോഴ്‌സിൽ ഒന്നും മൂന്നും റാങ്കുകൾ കരസ്ഥമാക്കിയവരെയും 2019 - 2020 അധ്യയന വർഷത്തിൽ സർവകലാശാല യുവജനോത്സവ കലാതിലകപ്പട്ടം നേടിയ ജേതാവിനെയും ബി.സി.എഫ് കോളേജ് ഓഡി​റ്റോറിയത്തിൽ നടന്ന ചടങ്ങിൽ ആദരിച്ചു. ഒന്നാം റാങ്ക് നേടിയ എസ്.ശ്രീലക്ഷ്മിയ്ക്ക് ബാഹുലേയൻ ചാരി​റ്റബിൾ ഫൗണ്ടേഷൻ ചെയർമാൻ ആന്റ് സി.ഇ.ഒ ഡോ.കെ.പരമേശ്വരനും മൂന്നാം റാങ്ക് നേടിയ അനുവിന്ദ് സന്തോഷിന് മാനേജിംഗ് ഡയറക്ടർ ഡോ.ജാസർ മുഹമ്മദ് ഇക്ബാലും കലതിലകപ്പട്ടം നേടിയ വി.ദിവ്യയ്ക്ക് ഡയറക്ടർ എം.എം വർഗീസും പുരസ്‌ക്കാരങ്ങൾ സമ്മാനിച്ചു. പ്രിൻസിപ്പാൾ പ്രൊഫ. കെ.എസ് ശരത്ത് , വൈസ് പ്രിൻസിപ്പാൾ പ്രൊഫ. നിഷ വിൽസൺ , അസോസിയേ​റ്റ് പ്രൊഫസർമാരായ ജി.രാജൻ , അർജുൻ ആർ.കൃഷ്ണൻ എന്നിവർ പ്രസംഗിച്ചു.