കോട്ടയം. ജില്ലാ നിയമസേവന അതോറിറ്റി നടത്തിയ ലോക് അദാലത്തിൽ 6.74 കോടി രൂപയുടെ 9518 കേസുകൾ തീർപ്പാക്കി. 7224 പെറ്റി കേസുകളും 395 പ്രീ ലിറ്റിഗേഷൻ പെറ്റീഷനുകളും തീർപ്പാക്കിയവയിൽ പെടും. ഇതിലൂടെ 3,56,18,434 രൂപയാണ് നഷ്ടപരിഹാരവും മറ്റുമായി വിധിച്ചത്. കെട്ടിക്കിടന്ന 1899 കേസുകളും തീർപ്പാക്കി. സംസ്ഥാന നിയമസേവന അതോറിറ്റി എക്‌സിക്യൂട്ടീവ് ചെയർമാൻ ജസ്റ്റിസ് കെ.വിനോദ് ചന്ദ്രൻ പങ്കെടുത്തു. ജില്ലാ നിയമസേവന അതോറിറ്റി ചെയർമാൻ എൻ.ഹരികുമാർ, താലൂക്ക് നിയമസേവന കമ്മിറ്റി ചെയർമാൻ കെ.എൻ.സുജിത്ത്, ജില്ലാ നിയമ സേവന അതോറിറ്റി സെക്രട്ടറി എസ്.സുധീഷ് കുമാർ എന്നിവർ നേതൃത്വം നൽകി.