ന്യൂഡൽഹി: കൊവിഡ് പ്രതിരോധത്തിനുള്ള ബൂസ്റ്റർ ഡോസായി ഹൈദരാബാദ് ആസ്ഥാനമായ കോ‌ർബിവാക്സ് ഉപയോഗിക്കാൻ ഡി.സി.ജി.ഐ അനുമതി നൽകി.18 വയസിന് മുകളിലുള്ള കോവിഷീൽഡ്,​ കൊവാക്സിൻ എന്നിവയുടെ രണ്ട് ഡോസ് എടുത്തവർക്ക് ബൂസ്റ്റർ ഡോസായി കോർബിവാക്സ് നൽകാനാവും.

രാ​ജ്യ​ത്ത് ​ഉ​പ​യോ​ഗി​ക്കു​ന്ന​ ​ആ​ദ്യ​ ​ഹെ​റ്റി​റോ​ലോ​ഗ​സ് ​(​ക​ല​ർ​ത്തി​ ​കു​ത്തി​വ​യ്‌​ക്കാ​വു​ന്ന​ത്)​ ​ബൂ​സ്റ്റ​ർ​ ​ഡോ​സ് ​വാ​ക്‌​സി​നാ​ണ് ​കോ​ർ​ബി​വാ​ക്സ്.​ ​ഇ​തു​വ​രെ​ ​ആ​ദ്യ​ ​ര​ണ്ട് ​ഡോ​സ് ​എ​ടു​ക്കു​ന്ന​ ​വാ​ക്സി​ൻ​ ​ത​ന്നെ​യാ​ണ് ​ബൂ​സ്റ്റ​ർ​ ​ഡോ​സാ​യും​ ​കു​ത്തി​വ​ച്ചി​രു​ന്ന​ത്.​ ​കൊ​വി​ൻ​ ​ആ​പ്പ് ​വ​ഴി​ ​കോ​ർ​ബി​വാ​ക്‌​സ് ​ബു​ക്ക് ​ചെ​യ്യാ​നാ​കും.​ ​ഒ​രു​ ​ഡോ​സി​ന് ​സ്വ​കാ​ര്യ​ ​ആ​ശു​പ​ത്രി​ക​ളി​ൽ​ 400​ ​രൂ​പ​യോ​ളം​ ​വി​ല​യാ​കും.

രാജ്യത്ത് ഇതുവരെ, ഒരാളിൽ വ്യത്യസ്ത വാക്സിനുകൾ ഉപയോഗിക്കുന്നത് അനുവദനീയമായിരുന്നില്ല. കോർബിവാക്സിന് ഡി.സി.ജി.ഐ അംഗീകാരം നൽകിയതോടെ, രാജ്യത്തെ സൗജന്യ വാക്സിനേഷൻ ഡ്രൈവിൽ ഇത് ഉൾപ്പെടുത്തണമോയെന്ന കാര്യം സർക്കാരിനു പരിശോധിക്കേണ്ടിവരും. ഹൈദരാബാദ് ആസ്ഥാനമായുള്ള വാക്സിൻ നിർമാതാക്കളായ ബയോളജിക്കൽ ഇ, ടെക്സസ് ചിൽഡ്രൻസ് ഹോസ്പിറ്റൽ, ബെയ്ലർ കോളേജ് ഓഫ് മെഡിസിൻ എന്നിവയുമായി സഹകരിച്ചാണ് കോർബിവാക്സ് വികസിപ്പിച്ചെടുത്തത്.