തിരുവനന്തപുരം: അപകടനിരക്ക് കുറയ്ക്കാനും ബ്ളാക്ക് സ്പോട്ടുകളെ സുരക്ഷിത മേഖലകളാക്കാനും റോഡ് സുരക്ഷാ അതോറിട്ടി ശ്രമങ്ങൾ ആരംഭിച്ചിരിക്കേ തിരുവനന്തപുരം ജില്ലയിൽ ദേശീയ -സംസ്ഥാന പാതകളിലായി 29 ബ്ളാക്ക് സ്പോട്ടുകൾ. 2019 വരെയുള്ള മൂന്ന് വർഷങ്ങളിലായി 543 പേർക്കാണ് ജില്ലയിലെ ബ്ളാക്ക് സ്പോട്ടുകളിൽ അപകടങ്ങളിൽ ജീവൻ നഷ്ടമായത്. 3,828 പേർക്ക് ഗുരുതര പരിക്കേറ്റു. അമിതവേഗം, അശ്രദ്ധ, മദ്യപിച്ച് വാഹനം ഓടിക്കൽ, റോഡുകളുടെ തകരാറ് തുടങ്ങിയവയായിരുന്നു അപകടങ്ങൾക്ക് കാരണം.
റോഡ് സംബന്ധമായ തകരാറുകളും ന്യൂനതകളും പരിഹരിക്കാൻ റോഡ് സുരക്ഷാ അതോറിട്ടി പൊതുമരാമത്ത്, ദേശീയപാത വിഭാഗങ്ങളുടെ നേതൃത്വത്തിൽ ശ്രമം ആരംഭിച്ചതോടെ വരും വർഷങ്ങളിൽ അപകടവും മരണനിരക്കും കുറയുമെന്നാണ് കരുതുന്നത്.
കാലവർഷം എത്തിയതോടെ സ്ഥിരം അപകട മേഖലകളിൽ ചോര വീഴാതിരിക്കാൻ ഡ്രൈവർമാരുടെയും യാത്രക്കാരുടെയും ശ്രദ്ധ കൂടിയേ തീരൂ. നിയമ ലംഘനങ്ങളും അമിതവേഗവും കണ്ടെത്താൻ മോട്ടോർ വാഹന വകുപ്പ്, പൊലീസ് എന്നിവയുടെ സഹായത്തോടെ പരിശോധന ശക്തമാക്കുന്നതിനൊപ്പം കാമറ നിരീക്ഷണമുൾപ്പെടെയുള്ള എൻഫോഴ്സ്‌മെന്റ് പ്രവർത്തനങ്ങളും ശക്തമാക്കാനാണ് തീരുമാനം. ജില്ലയിൽ ദേശീയപാതയിൽ 13 ഉം, സംസ്ഥാന പാതയിൽ 16ഉം ബ്ളാക്ക് സ്പോട്ടുകളാണുള്ളത്.
ബ്ലാക്ക് സ്‌പോട്ടിൽ മരിച്ചവരുടെയും ഗുരുതര പരിക്കേറ്റവരുടെയും (ബ്രായ്ക്കറ്റിൽ) എണ്ണം
ദേശീയ പാത
ആലംകോട് ജംഗ്ഷൻ - തോന്നക്കൽ ജംഗ്ഷൻ 67 (436)
കിള്ളിപ്പാലം ജംഗ്ഷൻ - പള്ളിച്ചൽ 59 (341)
വെടിവച്ചാൻ കോവിൽ - നെയ്യാറ്റിൻകര ജംഗ്ഷൻ 29 (312)
എൽ.എം.എസ് ജംഗ്ഷൻ - തമ്പാനൂർ 15 (182)
തോന്നയ്ക്കൽ ജംഗ്ഷൻ - കഴക്കൂട്ടം ജംഗ്ഷൻ 45 (294)
ചാക്ക പാലം - തിരുവല്ലം ടോൾ പ്ലാസ 27 (203)
കുളത്തൂർ ജംഗ്ഷൻ - ലോർഡ്സ് ഹോസ്പിറ്റൽ റോഡ് ജംഗ്ഷൻ 24 (167)
ശ്രീകാര്യം ജംഗ്ഷൻ -പി.എം.ജി ജംഗ്ഷൻ 24 (196)
കടമ്പാട്ടുകോണം-ആലംകോട് ജംഗ്ഷൻ 34 (204)
നെയ്യാറ്റിൻകര ജംഗ്ഷൻ - ധനുവച്ചപുരം 18 (108)
കഴക്കൂട്ടം ജംഗ്ഷൻ - ശ്രീകാര്യം ജംഗ്ഷൻ 15 (84)
പരശുവയ്ക്കൽ ജംഗ്ഷൻ -കളിയിക്കാവിള 15 (85)
പാച്ചല്ലൂർ ജംഗ്ഷൻ - വിഴിഞ്ഞം മുക്കോല മേൽപ്പാലം 15 (89)
സംസ്ഥാന പാത
വയ്യേറ്റ് - വാമനപുരം ഹോസ്പിറ്റൽ ജംഗ്ഷൻ 22(169)
കേശവദാസപുരം - മണ്ണന്തല 11(152)
പൊരുന്തമൺ - തട്ടത്തുമല 26(130)
വഴുതക്കാട് - വഴയില പാലം14(137)
വട്ടപ്പാറ - വെമ്പായം ജംഗ്ഷൻ 20(144)
പത്താംകല്ല് - പഴകുറ്റി 5 (75)
വാമനപുരം - പുളിമാത്ത് 15 (69)
ഏണിക്കര - അഴീക്കോട് 7 (62)
ചെമ്മരത്തുമുക്ക് - കിളിമാനൂർ സെൻട്രൽ ജംഗ്ഷൻ 5 (61)
വെഞ്ഞാറമൂട് - മൂന്ന്മുക്ക് 10(111)
വെമ്പായം - തൈക്കാട് 6(86)
ആലംകോട് - നഗരൂർ 4(61)
പുത്തൻപാലം ജംഗ്ഷൻ - ചുള്ളിമാനൂർ 3 (41)
വെമ്പായം ജംഗ്ഷൻ - പഴകുറ്റി 3 (65) വർക്കല സിറ്റി - നടയറ 3(52)
നന്ദിയോട് ജംഗ്ഷൻ - കുശവൂർ ജംഗ്ഷൻ1(19)