വൈവിദ്ധ്യങ്ങളിൽ ഏകത്വം കണ്ടെത്തുന്ന നാടാണ് ഇന്ത്യ. വിവാഹങ്ങളുമായി ബന്ധപ്പെട്ട് വിവിധ ആചാരങ്ങളും വിശ്വാസങ്ങളുമാണ് ഇവിടെ നിലനിൽക്കുന്നത്. വിവാഹ ശേഷം ഭർത്തൃഗൃഹത്തിലെത്തുന്ന വധുവിനെ ചട്ടം പഠിപ്പിക്കുന്ന ആചാരമാണ് ഇപ്പോൾ വൈറലാകുന്നത്. വധുവിനോട് ഓരോരോ കാര്യങ്ങൾ ആവശ്യപ്പെടുന്ന വരന്റെ മാതാവ്, ഇതനുസരിച്ച് പാത്രം വായിൽ കടിച്ച് പിടിച്ച് വധു നൃത്തം ചെയ്യുന്നതാണ് വീഡിയോയിലുള്ളത്. കഴിഞ്ഞ വർഷം പുറത്ത് വന്ന വീഡിയോ ഇപ്പോഴും സമൂഹ മാദ്ധ്യമങ്ങളിൽ വൈറലാണ്. ഒരു യോഗാചാര്യനെ പോലെ അതിസമർത്ഥയായി യുവതി നൃത്തം ചെയ്യുന്നതും, ചുറ്റുമുള്ള ആളുകൾ അതിനായി അവളെ പ്രോത്സാഹിപ്പിക്കുന്നതും വീഡിയോയിലുണ്ട്. പച്ച സാരി ഉടുത്തിരിക്കുന്ന നവവധുവിന് പാരമ്പര്യത്തിന്റെ ഭാഗമായിട്ടാണ് പാത്രം പിടിച്ചുകൊണ്ട് നൃത്തം ചെയ്യാൻ അമ്മായിയമ്മ പറയുന്നത്. വീഡിയോ കാണാം.