ഭാവനയ്ക്ക് ജന്മദിനാശംസകൾ നേർന്ന് നടൻ അനൂപ് മേനോൻ. എപ്പോഴത്തെയും പോലെ സുന്ദരിയും ധീരയുമായിരിക്കണമെന്നാണ് അനൂപ് കുറിച്ചത്. ട്രിവാൻഡ്രം ലോഡ്‌ജ് എന്ന സിനിമയുടെ ചിത്രീകരണത്തിനിടെ എടുത്ത ചിത്രം പങ്കുവച്ചുകൊണ്ടായിരുന്നു ഫേസ്ബുക്ക് കുറിപ്പിലൂടെ താരം ആശംസകൾ നേർന്നത്.

ഫേസ്ബുക്ക് പോസ്റ്റിന്റെ പൂർണരൂപം

ജന്മദിനാശംസകൾ പ്രിയപ്പെട്ട ഭാവ്. എപ്പോഴും എന്നത്തേയും പോലെ സുന്ദരിയും ധീരയുമായിരിക്കുക. ട്രിവാൻഡ്രം ലോഡ്ജിന്റെ ചിത്രീകരണത്തിനിടെ ഈ ഫോട്ടോയ്ക്ക് പോസ് ചെയ്യാൻ ആവശ്യപ്പെട്ടപ്പോൾ ചിരിക്കാതിരിക്കാൻ നമ്മൾ എത്രമാത്രം ബുദ്ധിമുട്ടിയെന്ന് ഇപ്പോഴും ഓർക്കുന്നു (നീ ചിരിയുടെ വക്കിലെത്തിയിരുന്നു). നിന്റെ വഴിയിൽ എന്തൊക്കെ തടസങ്ങൾ വന്നിട്ടും നിന്റെ സുന്ദരമായ ചിരിയും ഊർജവും നിന്നെ വിട്ടുപോയിട്ടില്ല. നിങ്ങൾ ഈ ഭൂമിയിലെ ഏറ്റവും മികച്ചവരിൽ ഒരാളാണ്.