പലരുടെയും പ്രശ്നമാണ് എത്ര പണം വന്നാലും അമിതമായി ചെലവായി പോകുന്നു എന്നത്. എന്നാൽ ഇതിന് പിന്നിലെ കാരണമെന്തെന്ന് എപ്പോഴെങ്കിലും നിങ്ങൾ ചിന്തിച്ചിട്ടുണ്ടോ? നിങ്ങളുടെ ഈ പ്രശ്നത്തിന് പരിഹാരം കാണാൻ വാസ്തുശാസ്ത്രത്തിന് കഴിയും. ധനലാഭത്തിനായി പിന്തുടരേണ്ട ചില ചിട്ടകളുണ്ട്. മുറികൾ, വീട്ടുപകരണങ്ങൾ എന്നിവ മാത്രമല്ല വീട്ടിൽ പണം സൂക്ഷിക്കുന്ന ലോക്കറിന്റെ കാര്യത്തിൽ പോലും ഇത് പാലിക്കണം. എന്തൊക്കെയാണ് ശ്രദ്ധിക്കേണ്ട കാര്യങ്ങൾ എന്ന് നോക്കാം.
വാസ്തുശാസ്ത്ര പ്രകാരം, പണം വയ്ക്കുന്ന ഇടം, ലോക്കര്‍ അല്ലെങ്കില്‍ അലമാര വടക്കു ദിക്കില്‍ വേണമെന്നാണ്. ഇതിനെ കുബേരന്റെ സ്ഥാനമായാണ് കണക്കാക്കുന്നത്. അതുപോലെ ലോക്കര്‍ വയ്ക്കുന്ന മുറിയുടെ ഉയരം മറ്റ് മുറികളേക്കാള്‍ കുറവാകരുത്. തെക്ക് ദിക്കില്‍ വേണം പണം വയ്ക്കുന്ന ലോക്കര്‍ അല്ലെങ്കിൽ അലമാര വയ്ക്കേണ്ടത്. ഒരിക്കലും തെക്ക്-കിഴക്ക്, തെക്ക്- പടിഞ്ഞാറ് ദിശയിൽ വയ്ക്കരുത്. ലോക്കറിന്റെ പിൻവശം തെക്ക് വശത്താകണം, ഇത് മുന്‍വശത്തേയ്ക്ക് വടക്കു ദിശയെ അഭിമുഖീകരിക്കുകയും വേണം.
വടക്ക്- കിഴക്കു ദിശയില്‍ ലോക്കര്‍ വയ്ക്കുന്നത് ധന നഷ്ടമുണ്ടാക്കും. ലോക്കര്‍ അല്ലെങ്കില്‍ പണം വയ്ക്കുന്ന അലമാരയുള്ള മുറിയ്ക്ക് ഏറ്റവും ഉത്തമമായി പറയുന്നത് മഞ്ഞ നിറമാണ്. ലോക്കര്‍ അല്ലെങ്കില്‍ ഇതു വയ്ക്കുന്ന മുറി ബീമിനു താഴെയായി വരരുത്. ഇത് ആവശ്യമില്ലാത്ത സമ്മര്‍ദങ്ങള്‍ ധനത്തിന്റെ കാര്യത്തിലുണ്ടാക്കും. അതിനാൽ, ബീമിനു കീഴിലുള്ള മുറികളില്‍ ധനം വയ്ക്കരുതെന്നാണ് വാസ്തുശാസ്ത്രം പറയുന്നത്.
പണം സൂക്ഷിക്കുന്ന മുറി എപ്പോഴും വൃത്തിയായി സൂക്ഷിക്കണം. ഒരിക്കലും ഈ മുറിയില്‍ സാധനങ്ങള്‍ വാരിവലിച്ചിടരുത്. ലോക്കറിന് മുന്നിലായി ഒരു കണ്ണാടി വയ്ക്കുന്നത് വാസ്തു പ്രകാരം ധനലാഭത്തിന് സഹായിക്കുന്ന ഒന്നാണ്. ഇത് പണം ഇരട്ടിപ്പിക്കുമെന്നാണ് വിശ്വാസം.