ഇടുക്കിയിലേക്കാണ് ഇത്തവണ ചങ്കത്തിമാരുടെ യാത്ര. സാധാരണ തെങ്ങിൻ കള്ളിൽ നിന്നുമാണ് ചങ്കത്തിമാർ എപ്പിസോഡ് ആരംഭിക്കുന്നതെങ്കിൽ ഇത്തവണ ചെറിയൊരു വ്യത്യാസമുണ്ട്. രാവിലെ വെട്ടിയിറക്കിയ ഫ്രഷ് പനങ്കള്ളാണ് കുടിക്കുന്നത്.

ഇടുക്കിയുടെ തനത് ഭക്ഷണമായ എല്ലുകറിയും കപ്പയുമാണ് ഷാപ്പിലെ സ്പെഷ്യൽ. പിന്നാലെ ഫിഷ് നിർവാണ,​ ഫിഷ് മോളി,​ ചക്ക കൂട്ടാൻ,​ ബീഫിന്റെ കരൾ വരട്ടിയത്,​ ​ ബോട്ടി ഫ്രൈ,​ എല്ലു കറി തുടങ്ങിയ രുചിയുടെ വലിയൊരു കലവറ തന്നെ ചങ്കത്തിമാർക്ക് വേണ്ടി അവർ ഒരുക്കിയിട്ടുണ്ട്. കള്ളുകുടി ആഘോഷം കൊഴുപ്പിക്കാനായി ഇത്തവണ ഷാപ്പിലെ ചേട്ടന്മാരുടെ വക പാട്ടുമുണ്ട്.