പെഗാസസ് ഗ്ലോബൽ പ്രൈവറ്റ് ലിമിറ്റഡിന്റെ ബാനറിൽ ജെബിത അജിത് നിർമ്മിക്കുന്ന 'ആഗസ്റ്റ് 27' എന്ന ചിത്രത്തിന്റെ പോസ്റ്റർ മണപ്പുറം ഗ്രൂപ്പ് ചെയർമാനും എം.ഡിയുമായ വി.പി നന്ദകുമാർ പ്രകാശനം ചെയ്തു. ഡോ. അജിത് രവി പെഗാസസാണ് സംവിധാനം. നടന്മാരായ ഷിജു അബ്ദുൾ റഷീദ്, റിഷാദ്, പി.ആർ. ഒ പി.ശിവപ്രസാദ്, പ്രൊഡക്ഷൻ കൺട്രോളർ ജിതിൻ എന്നിവർ ചടങ്ങിൽ പങ്കെടുത്തു.

ദ്വിഭാഷാ ചിത്രമായാണ് ആഗസ്റ്റ് 27ന് ചിത്രീകരിക്കുന്നത്. തിരുവനന്തപുരം, കൊച്ചി, മൂന്നാർ എന്നിവിടങ്ങളിലായി ഷൂട്ടിംഗ് പുരോഗമിക്കുന്നു. കുമ്പളത്തു പദ്മകുമാർ കഥയും തിരക്കഥയും തയ്യാറാക്കിയിരിക്കുന്ന ചിത്രത്തിന്റെ ഛായാഗ്രഹണം കൃഷ്ണ പി.എസ് ആണ്.

ഷിജു അബ്ദുൾ റഷീദ്, ജസീല, റിഷാദ്, സുഷ്മിത ഗോപിനാഥ്, എം .ആർ ഗോപകുമാർ, സജിമോൻ പാറയിൽ, നീന കുറുപ്പ്, താര കല്യാൺ എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ശാന്തി അലൻ, അമൽ വിജയ്, വള്ളിക്കോട് രമേശൻ, മധു മുണ്ഡകം എന്നിവരുടെ വരികൾക്ക് അഖിൽ വിജയ്, സാം ശിവ എന്നിവർ സംഗീതം നൽകിയിരിക്കുന്നു. പശ്ചാത്തല സംഗീതം സാനന്ദ് ജോർജ്ജ് .

കലാസംവിധാനം: ഗ്ലാട്ടൻ പീറ്റർ, സഹസംവിധായകർ: സബിൻ കെ.കെ, കെ. പി അയ്യപ്പദാസ്. മേക്ക്‌അപ്പ്: സൈജു, എഡിറ്റിംഗ്: ജയചന്ദ്ര കൃഷ്ണ, വസ്ത്രാലങ്കാരം: റസാഖ് തിരൂർ, പ്രൊഡക്ഷൻ കൺട്രോളർ: ജബ്ബാർ മതിലകം, ജിതിൻ മലയിൻകീഴ്, കളറിസ്റ്റ്: മഹാദേവൻ, സൗണ്ട് ഇഫക്ട്‌സ്: രാജ് മാർത്താണ്ഡം, സ്റ്റിൽസ്: ജിനീഷ്, ഡിസൈൻ: ഷിബു പത്തൂർ(പെഗാസസ്).