തന്റെ മൂന്നാമത്തെ ചിത്രമായ എമ്പുരാന് ശേഷം സംവിധാനം ചെയ്യാനൊരുങ്ങുന്ന ചിത്രത്തിന്റെ പോസ്‌റ്റർ സമൂഹമാദ്ധ്യമങ്ങളിൽ പുറത്തിറക്കി പൃഥ്വിരാജ്. കെജിഎഫ് , കെജിഎഫ് 2 ചിത്രങ്ങളുടെ നിർമ്മാതാവ് വിജയ് കിരങ്ങണ്ടൂരാണ് 'ടൈസൺ' എന്ന് പേരിട്ടിരിക്കുന്ന ചിത്രം നിർമ്മിക്കുക. വിജയ് കിരങ്ങണ്ടൂരിന്റെ ഹോംബാളെ ഫിലിംസിന്റെ ബാനറിലെത്തുന്ന ചിത്രത്തിന് തിരക്കഥയെഴുതിയിരിക്കുന്നത് മുരളി ഗോപിയാണ്.
പൃഥ്വിരാജ് മുഖ്യകഥാപാത്രമാകുന്ന ടൈസൺ മലയാളത്തിന് പുറമേ കന്നട, തമിഴ്, തെലുങ്ക്, ഹിന്ദി എന്നീ ഭാഷകളിലും പുറത്തിറങ്ങും. കൂടുതൽ വിവരങ്ങൾ പിന്നാലെ അറിയിക്കുമെന്നും പോസ്‌റ്റിൽ പറയുന്നു.