തിരുവനന്തപുരം: വർക്കലയിൽ ക്ഷേത്രക്കുളത്തിൽ കാണാതായ യുവാവിന്റെ മൃതദേഹം കണ്ടെത്തി. ആറ് മണിക്കൂർ നീണ്ട തെരച്ചിലിനൊടുവിലാണ് ജനാർദ്ദനസ്വാമി ക്ഷേത്രക്കുളത്തിൽ നിന്നും മൃതദേഹം കണ്ടെത്തിയത്. ഇന്നലെ രാത്രി എട്ടേമുക്കാലോടെയാണ് ഞെക്കാട് സ്വദേശി ലിജിനിനെ കാണാതായത്. സുഹൃത്തുക്കളോടൊപ്പം കുളിക്കാനിറങ്ങിയതായിരുന്നു. കൂടെയുണ്ടായിരുന്ന സുഹൃത്തുക്കൾ തന്നെയാണ് യുവാവിനെ കാണാനില്ലെന്ന് പൊലീസിൽ അറിയിച്ചത്. പൊലീസും ഫയർഫോഴ്സും സ്ഥലത്തെത്തി ആരംഭിച്ച രക്ഷാപ്രവർത്തനം രാത്രി പത്തരയോടെ അവസാനിപ്പിച്ചു. ഇന്ന് രാവിലെ എട്ട് മണിയോടെ രക്ഷാപ്രവർത്തനം പുനരാരംഭിച്ചിരുന്നു.