കൊച്ചി: ടാ​റ്റാ ഗ്രൂപ്പിന്റെ ഫിനാൻഷ്യൽ സർവീസസ് കമ്പനിയായ ടാ​റ്റാ കാപി​റ്റൽ ഓഹരികളുടെ ഈടിൻമേൽ ഡിജി​റ്റൽ വായ്പകൾ നൽകുന്ന പദ്ധതി അവതരിപ്പിച്ചു. ഇതോടെ പൂർണമായും ഡിജി​റ്റൽ രീതിയിൽ ഓഹരികളുടെ ഈടിൻമേൽ വായ്പകൾ നൽകുന്ന ആദ്യ സാമ്പത്തിക സ്ഥാപനങ്ങളിലൊന്നായി ടാ​റ്റാ കാപി​റ്റൽ മാറി.

ഡീമാ​റ്റ് രൂപത്തിലുള്ള ഓഹരികൾ ഓൺലൈനിൽ ലളിതമായി പണയംവച്ച് അഞ്ചു കോടി രൂപ വരെ വായ്പ നേടാനാണ് എൻ.എസ്.ഡി.എൽ പിന്തുണയോടെ അവസരം ലഭിക്കുന്നത്. ഡെപോസി​റ്ററി പാർട്ടിസിപ്പന്റിന്റെ അനുമതി ലഭിച്ചാൽ അതേ ദിവസം തന്നെ ഈ പ്രക്രിയ പൂർണമാകും. ടാ​റ്റാ കാപി​റ്റലിന്റെ വെബ്‌സൈ​റ്റ് സന്ദർശിച്ച് ഉപഭോക്താക്കൾക്ക് ഈ സേവനം നേടാം. (www.las.tatacapital.com/online/loans/las/apply-now-las-loan)

ഉപഭോക്താവിന്റെ ഓഹരികളുടെ മൂല്യത്തിന്റെ അടിസ്ഥാനത്തിലായിരിക്കും വായ്പാത്തുക നിശ്ചയിക്കുക. എൻ.എസ്.ഡി.എൽ വഴി ഓഹരികളുടെ ഓൺലൈനായുള്ള പണയവും കെവൈസിയും നടത്തും. ഇ-നാച് സൗകര്യത്തിലൂടെ ഇസൈനിംഗും സാദ്ധ്യമാക്കും.

ഉപഭോക്താക്കളുടെ സാമ്പത്തിക ആവശ്യങ്ങൾ ലളിതവും സൗകര്യപ്രദവുമായി നിറവേ​റ്റാനുള്ള പ്രതിബദ്ധതയുടെ ഭാഗമായാണ് ഓഹരികളുടെ ഈടിൻമേലുള്ള ഡിജി​റ്റൽ വായ്പകളെന്ന് ടാ​റ്റാ കാപി​റ്റൽ ചീഫ് ഡിജി​റ്റൽ ഓഫിസർ അബന്റി ബാനർജി പറഞ്ഞു. വൈവിദ്ധ്യമാർന്ന കൂടുതൽ ഡിജി​റ്റൽ ഉത്പന്നങ്ങൾ തങ്ങൾ അവതരിപ്പിക്കുമെന്നും അദ്ദേഹം വെളിപ്പെടുത്തി.