പാലക്കാട്: മൊബൈൽ ഫോണിൽ യുവതിയുടെ കുളിമുറി ദൃശ്യങ്ങൾ പകർത്താൻ ശ്രമിച്ച കേസിലെ പ്രതിയായ മുൻ സിപിഎം നേതാവിനെ 14 ദിവസത്തേക്ക് റിമാൻഡ് ചെയ്തു. കൊടുമ്പ് അമ്പലപ്പറമ്പ് സി പി എം ബ്രാഞ്ച് മുന്‍ സെക്രട്ടറി ഷാജഹാനെ (38) കഴിഞ്ഞ ദിവസമാണ് തമിഴ്‌നാട്ടിൽ നിന്നും കസ്റ്റഡിയിലെടുത്തത്.
ഫോൺ ഉപയോഗിച്ച് ദൃശ്യങ്ങൾ പകർത്താൻ ശ്രമിച്ചത് ഇയാൾ പൊലീസിനോട് സമ്മതിച്ചിട്ടുണ്ട്. സംഭവസമയത്ത് പ്രതി നന്നായി മദ്യപിച്ചിരുന്നു. ആ സമയത്താണ് യുവതിയുടെ കുളിമുറിയിൽ വെളിച്ചം കാണുന്നത്. മൊബൈൽ ഫോണിൽ ദൃശ്യങ്ങൾ പകർത്താനായിരുന്നു ശ്രമം.
എന്നാൽ വെന്റിലേറ്ററിലൂടെ കൈ ഉയർന്ന് വരുന്നത് കണ്ടപ്പോഴേക്കും യുവതി ബഹളം വച്ചിരുന്നു. ഈ സമയത്ത് ഷാജഹാൻ പേടിച്ച് ഓടിയെങ്കിലും മൊബൈൽ കൈയിൽ നിന്നും നഷട്മായി. യുവതിയുടെ വീടിന്റെ പരിസരത്ത് നിന്നുമാണ് പിന്നീട് മൊബൈൽ കണ്ടെത്തിയത്. ഈ ഫോൺ ഉൾപ്പെടെയാണ് യുവതി പൊലീസിൽ പരാതി നൽകിയത്. കേസായതോടെ പാർട്ടി ഷാജഹാനെ സസ്പെൻഡ് ചെയ്തിരുന്നു.