തിരുവനന്തപുരം: ഇന്ന് നടക്കുന്ന ലോക കേരളസഭയുടെ ഉദ്ഘാടന ചടങ്ങിൽ മുഖ്യമന്ത്രി പിണറായി വിജയൻ പങ്കെടുക്കില്ല. ആരോഗ്യപരമായ കാരണങ്ങളാലാണ് മുഖ്യമന്ത്രി വിട്ടുനിൽക്കുന്നതെന്ന് ചീഫ് സെക്രട്ടറി വി.പി. ജോയ് അറിയിച്ചു. കനകക്കുന്ന് നിശാഗന്ധി ഓഡിറ്റോറിയത്തിലാണ് ഉദ്ഘാടന ചടങ്ങ് നടക്കുന്നത്. രാജ്യത്തിന് അകത്തും പുറത്തും നിന്ന് അഞ്ഞൂറോളം ഡെലിഗേറ്റുകൾ ലോക കേരളസഭയിൽ പങ്കെടുക്കുന്നുണ്ട്.

അതേസമയം ലോക കേരളസഭയിൽ യു.ഡി.എഫ് പ്രതിനിധികളും പങ്കെടുക്കില്ലെന്ന് അറിയിച്ചിട്ടുണ്ട്. എന്നാൽ പ്രവാസ് പ്രതിനിധികളെ വിലക്കില്ല. മുഖ്യമന്ത്രിക്കും സർക്കാരിനുമെതിരെ സമരം തുടരുന്ന പശ്ചാത്തലത്തിലാണ് തീരുമാനമെന്ന് യു.ഡി.എഫ് കൺവീനർ എം.എം. ഹസൻ പറഞ്ഞു.