വെളുത്തുള്ളി എന്നത് എല്ലാവർക്കും സുപരിചിതമായ ഒന്നാണ് പാചകത്തിനായി മാത്രമല്ല ഔഷധഗുണം ധാരാളമുള്ളതിനാൽ പല മരുന്നുകളിലും വെളുത്തുള്ളി ഉൾപ്പെടുത്താറുണ്ട്. എന്നാൽ ഇനി പറയാൻ പോകുന്നത് സാധാരണയായി നമ്മൾ ഉപയോഗിക്കുന്ന വെളുത്തുള്ളിയെ പറ്റിയല്ല കറുത്ത വെളുത്തുള്ളിയെ പറ്റിയാണ്. വെളുത്തുള്ളിയെ പ്രത്യേക താപനിലയിൽ ആഴ്ചകളോളം വച്ച് പുളിപ്പിച്ചെടുക്കുമ്പോഴാണ് അതിന്റെ നിറം മാറുന്നത്. ഇങ്ങനെ ചെയ്യുന്നതിലൂടെ വെളുത്തുള്ളിയിൽ പ്രോബയോട്ടിക്സ്(ശരീരത്തിന് ഗുണകരമായ ബാക്ടീരിയ) ധാരാളം ഉണ്ടാവുന്നു. ഈ വെളുത്തുള്ലി കഴിക്കുന്നതിലൂടെ ക്യാൻസർ ഉൾപ്പെടെയുള്ള രോഗങ്ങൾ വരുന്നത് തടയുകയും കുടലിന്റെ ആരോഗ്യം വർദ്ധിപ്പിക്കാനും ദഹനം വേഗത്തിലാവാൻ സഹായിക്കുകയും ചെയ്യുന്നു.

ഗുണങ്ങൾ

ക്ലീവ്‌ലാൻഡ് ക്ലിനിക്ക് പറയുന്നതനുസരിച്ച്, കറുത്ത വെളുത്തുള്ളിയ്ക്ക് പ്രധാനമായും മൂന്ന് ആരോഗ്യ ഗുണങ്ങളുണ്ട്.

1. തലച്ചോറിന്റെ ആരോഗ്യം

നിങ്ങളുടെ വൈജ്ഞാനിക ബുദ്ധി മെച്ചപ്പെടുത്താൻ കറുത്ത വെളുത്തുള്ളി സഹായിക്കുന്നു. ഇതിന്റെ ആന്റി ഇൻഫ്ലമേറ്ററി ഗുണങ്ങൾ തലച്ചോറിന്റെ ആരോഗ്യം വർദ്ധിപ്പിക്കാനും സഹായിക്കുന്നു.

2. പ്രമേഹം

പ്രമേഹ രോഗികൾക്ക് വളരെ ഫലപ്രദമായ ഒന്നാണ് കറുത്ത വെളുത്തുള്ളി. രക്തത്തിലെ പഞ്ചസാരയുടെ അളവ് നിയന്ത്രിച്ച് പ്രമേഹം നിയന്ത്രണാധീതമാക്കുന്നതിന് ഇത് നിങ്ങളെ സഹായിക്കുന്നു.

3. ഹൃദ്‌രോഗം

കറുത്ത വെളുത്തുള്ളി കഴിക്കുന്നത് കൊളസ്ട്രോൾ കുറയ്ക്കാൻ സഹായിക്കുന്നു. ശരീരത്തിലുണ്ടാകുന്ന സങ്കീർണമായ പ്രശ്നങ്ങളെയെല്ലാം അകറ്റി ഹൃദയ സംബന്ധമായ അസുഖങ്ങൾ വരുന്നത് തടയാൻ കറുത്ത വെളുത്തുള്ളി ദിവസവും കഴിക്കുന്നത് നല്ലതാണ്.