വിദ്യാർത്ഥികൾക്കൊപ്പം ഡാൻസ് ചെയ്യുന്ന ഡൽഹിയിലെ ഒരു അദ്ധ്യാപികയുടെ വീഡിയോ സമൂഹമാദ്ധ്യമങ്ങളിൽ തരംഗമായിക്കൊണ്ടിരിക്കുകയാണ്. 'കിസ്മത്ത്' എന്ന ചിത്രത്തിലെ 'കജ്റാ മൊഹബത്ത് വാല' എന്ന പാട്ടിന് അദ്ധ്യാപികയും കുട്ടികളും ചുവടുവച്ചത്.
സമ്മർ ക്യാമ്പിന്റെ അവസാന ദിവസം ക്ലാസ്‌മുറിയിൽവച്ചാണ് ഡാൻസ് കളിച്ചത്. അദ്ധ്യാപികയായ മനു ഗുലാത്തി തന്നെയാണ് വീഡിയോ ട്വീറ്റ് ചെയ്തത്. ഡൽഹി സർക്കാർ സ്‌കൂൾ അദ്ധ്യാപികയാണ് മനു ഗുലാത്തി. പിഎച്ച്ഡി സ്‌കോളർ കൂടിയാണ് അവർ.
വീഡിയോയുടെ തുടക്കത്തിൽ പെൺകുട്ടികൾ വരിവരിയായി നിൽക്കുന്നതാണ് കാണാനാകുക. അവർക്കൊപ്പം അദ്ധ്യാപികയുമുണ്ട്. ഓരോരുത്തരും തങ്ങളുടെ ഭാഗങ്ങൾ അവതരിപ്പിച്ച് ഫ്രെയിം വിടുന്നതാണ് ദൃശ്യങ്ങളിലുള്ളത്. അവസാനം, അവരെയെല്ലാം ഒന്നിച്ച് ഡാൻസ് ചെയ്യുകയാണ്.
दिल्ली शहर का सारा मीना बाज़ार ले के।☺️
— Manu Gulati (@ManuGulati11) June 16, 2022
Our imperfect dance moves on the last day of summer camp...leading to some perfect moments of joy and togetherness.💕#SchoolLife #TeacherStudent pic.twitter.com/K50Zi1Qajf