തിരുവനന്തപുരം: സംസ്ഥാനത്ത് തുടർച്ചയായി കൊവിഡ് രോഗികളുടെ എണ്ണത്തിൽ വർദ്ധന. ഇന്ന് 3376 പേർക്കാണ് രോഗം സ്ഥിരീകരിച്ചത്. 14 മണിക്കൂറിനിടെ 11 കൊവിഡ് മരണങ്ങളും റിപ്പോർട്ട് ചെയ്തു. കോഴിക്കോടും എറണാകുളത്തും 3 പേർ വീതം മരിച്ചു. തിരുവനന്തപുരത്തും കൊല്ലത്തും രണ്ട് മരണവും പാലക്കാട്ട് ഒരു മരണവും സ്ഥിരീകരിച്ചു. ഇന്നലെ ഏഴു മരണമാണ് സ്ഥിരീകരിച്ചിരുന്നത്.

ഇന്ന് ഏറ്റവും കൂടുതൽ രോഗികൾ എറണാകുളത്താണ്. 838 പേർക്കാണ് ഇവിടെ രോഗം. 717 കേസുകൾ തിരുവനന്തപുരത്തും 399 കേസുകൾ കോട്ടയത്തും 24 മണിക്കൂറിനിടെ സ്ഥിരീകരിച്ചു. ഒരു എലിപ്പനി മരണവും സംസ്ഥാനത്ത് ഇന്ന് സ്ഥിരീകരിച്ചതായി ആരോഗ്യ വകുപ്പ് അറിയിച്ചു.