പണം ഇടപാടുകളിൽ ഡിജിറ്റൽ ഇന്ത്യ എന്ന് കേട്ടപ്പോൾ നെറ്റി ചുളിച്ചവർ പോലും സ്മാർട്ട്ഫോണുകളിലൂടെയാണ് ഇപ്പോൾ സാമ്പത്തിക ഇടപാടുകൾ നടത്തുന്നത്. കാരണം യുപിഐ, മൊബൈൽ വാലറ്റുകൾ എന്നിവ ഉൾപ്പെടെയുള്ള ഡിജിറ്റൽ പേയ്‌മെന്റ് രീതികൾ വൻപിച്ച സ്വീകാര്യത നേടിക്കഴിഞ്ഞു.
പണ്ടത്തെ പോലെ എ ടി എമ്മുകളിൽ തിരക്ക് ഉണ്ടാവാത്തതിന്റെ ഒരു കാരണവും ഇതാണ്. എന്നാൽ സ്മാർട്ട്ഫോണുകളിലൂടെയാണ് സാമ്പത്തിക ഇടപാടുകൾ നടത്തുമ്പോൾ ചില ചതിക്കുഴികളും കാത്തിരിക്കുന്നുണ്ട്. പ്രധാനമായും യു പി ഐ ആപ്പുകൾ ഡൗൺലോഡ് ചെയ്യുമ്പോൾ ഉപഭോക്താക്കൾക്ക് അറിവും ശ്രദ്ധയും ആവശ്യമാണെന്ന മുന്നറിയിപ്പ് നൽകുകയാണ് കേരള പൊലീസ്. പ്‌ളേ സ്റ്റോറുകൾ, ആപ്പ് സ്റ്റോറുകൾ വഴി മാത്രമേ ഇത്തരം ആപ്പുകൾ ഡൗൺലോഡ് ചെയ്യാവു. വാട്സാപ്പിലും മറ്റും ലഭിക്കുന്ന ലിങ്ക് ഉപയോഗിച്ച് ആപ്പുകൾ ഡൗൺലോഡ് ചെയ്താൽ സാമ്പത്തിക നഷ്ടത്തിനും അതിനൊപ്പം സുരക്ഷ പ്രശ്നങ്ങൾക്കും ഇടയാക്കിയേക്കാം.
ഫേസ്ബുക്ക് പോസ്റ്റിന്റെ പൂർണരൂപം
വലിയൊരു വിഭാഗം ഉപഭോക്താക്കൾ ഇപ്പോൾ തങ്ങളുടെ സ്മാർട്ട്ഫോണുകളിലൂടെയാണ് സാമ്പത്തിക ഇടപാടുകൾ നടത്തുന്നത്. യുപിഐ, മൊബൈൽ വാലറ്റുകൾ എന്നിവയുൾപ്പെടെയുള്ള ഡിജിറ്റൽ പേയ്‌മെന്റ് രീതികൾ വൻപിച്ച സ്വീകാര്യത നേടിക്കഴിഞ്ഞു.
ഡിജിറ്റൽ പേയ്‌മെന്റുകൾ നൽകുന്ന സൗകര്യം വളരെ വലുതാണ്. എന്നിരുന്നാലും, അപകടസാധ്യതകളും ഉൾപ്പെട്ടിട്ടുണ്ട്. ആപ്പ് ഡൗൺലോഡ് ചെയ്യുമ്പോൾ ഉപഭോക്താക്കൾക്ക് അറിവും ശ്രദ്ധയും ആവശ്യമാണ്.
സൈബർ കുറ്റവാളികൾ ഉപഭോക്താക്കളെ കബളിപ്പിച്ച് യഥാർത്ഥ ആപ്പുകൾ പോലെ തോന്നിക്കുന്ന വ്യാജ ആപ്പുകൾ ഡൗൺലോഡ് ചെയ്യിക്കാനും അവരുടെ സ്‌മാർട്ട്‌ഫോണിലേക്ക് ബാക്ക്‌ഡോർ എൻട്രി അനുവദിക്കാനും കഴിയും.
വാലറ്റുകൾ അധികാരികമായത് എന്ന് ഉറപ്പാക്കിയ ശേഷം പ്‌ളേ സ്റ്റോറുകൾ, ആപ്പ് സ്റ്റോറുകൾ വഴി മാത്രം ഡൗൺലോഡ് ചെയ്ത് ഇൻസ്റ്റാൾ ചെയ്യുക.
SMS ലൂടെയോ, മറ്റു ലിങ്കുകളിലൂടെയോ, ഇമെയിൽ വഴിയോ അയച്ചുകിട്ടുന്ന ലിങ്കുകൾ വഴി ഒരിക്കലും ആപ്പുകൾ ഇൻസ്റ്റാൾ ചെയ്യരുത്.