റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ : samkhiyarathnam@gmail.com
2022 ജൂൺ 25 -1197 മിഥുനം 11 ശനിയാഴ്ച. (പുലർന്ന ശേഷം 10 മണി 23 മിനിറ്റ് 13 സെക്കന്റ് വരെ ഭരണി ശേഷം കാർത്തിക നക്ഷത്രം )
അശ്വതി: പലവിധ ലാഭങ്ങളുണ്ടാകും. കാര്യ വിജയം പ്രതീക്ഷിക്കാം. അന്നലാഭം, പ്രണയസാഫല്യം, ഓര്‍മക്കുറവ് എന്നിവയുണ്ടാകാം. കൃഷി, വ്യവസായം എന്നീ മേഖലയിൽ പ്രവർത്തിക്കുന്നവര്‍ക്ക് അനുകൂല സമയമാണ്. പാചകം, യാത്ര,കരകൗശല വസ്തുക്കൾ എന്നിവയിൽ താൽപര്യം കൂടി വരാൻ സാദ്ധ്യതയുണ്ട്.
ഭരണി: വരുമാനം കൂടും. ചെലവ് കുറയുന്നതിനും സാദ്ധ്യതയുണ്ട്. നല്ല സുഹൃത്തുക്കളെ ലഭിക്കും. സുഹൃത്തുക്കളിൽ നിന്നും മികച്ച സഹകരണം പ്രതീക്ഷിക്കാം. ബിസിനസ് വര്‍ദ്ധിക്കും. യാത്രകളിലൂടെ ലാഭങ്ങളുണ്ടാകും. ആശുപത്രിവാസത്തിന് സാദ്ധ്യതയുള്ളതിനാൽ ശ്രദ്ധിക്കണം.
കാര്‍ത്തിക: ഭാഗ്യ വര്‍ദ്ധന, നിര്‍മ്മാണ രംഗത്ത് പ്രവര്‍ത്തിക്കുന്നവര്‍ക്ക് ഗുണകരമായ അവസ്ഥ എന്നിവ പ്രതീക്ഷിക്കാം. വീട് മാറുന്നതിന് യോഗം കാണിക്കുന്നു. വീട്ടുപകരണങ്ങൾ പുതിയത് വാങ്ങാനാകും. മറവി കൂടി വന്നേക്കാം. എടുത്തു ചാട്ടവും കുറ്റം പറച്ചിലും വിനയായി മാറിയേക്കും.
രോഹിണി: പുരസ്കാരങ്ങൾക്കും അനുമോദനങ്ങൾക്കും സാദ്ധ്യതയുണ്ട്. വിദേശത്ത് ജോലിക്ക് സാദ്ധ്യത. ഭാര്യ മൂലം അനുകൂലമായ അവസ്ഥ, ഭാര്യാഗൃഹത്തിൽ നിന്നും അനുകൂല കാര്യങ്ങൾ എന്നിവ പ്രതീക്ഷിക്കാം. സ്വകാര്യ സ്ഥാപനത്തിൽ ശമ്പള വര്‍ദ്ധനവ്,ചെലവ് വര്‍ദ്ധിക്കാതിരിക്കാൻ ശ്രദ്ധിക്കണം.
മകയിരം: യോഗ്യതക്കനുസരിച്ചുള്ള ജോലി ലഭിക്കും, വാഹന യോഗം, വിനോദ വിദേശ യാത്രാ യോഗങ്ങൾ എന്നിവ കാണുന്നു.ലോട്ടറി ഭാഗ്യം, അയൽക്കാരുമായി ചെറിയ കലഹങ്ങൾ എന്നിവയ്ക്ക് സാദ്ധ്യതയുണ്ട്. മനസമാധാനം അൽപം കുറഞ്ഞേക്കും. വിവാഹയോഗം, വാഹനയോഗം എന്നിയ്ക്ക് അനുകൂല സമയമാണ്.
തിരുവാതിര: ധനസ്ഥിതിയിൽ കാര്യമായ മാറ്റമുണ്ടാകും. വീടുപണി ആരംഭിക്കാൻ സാധിക്കും. സന്താനഭാഗ്യം പ്രതീക്ഷിക്കാം.കരാര്‍ ജോലികളിൽ നിന്നും നേട്ടങ്ങളുണ്ടാകും. ഭാര്യയ്ക്ക് ജോലി ലഭിക്കാൻ ഇടയുണ്ട്. അധികാര സ്ഥാനത്ത് നിൽക്കുന്നവര്‍ക്ക് മേലുദ്യോഗസ്ഥരിൽ നിന്ന തിരിച്ചടികൾ ഉണ്ടായേക്കും.
പുണര്‍തം: ഉത്തരവാദിത്വവും ജോലിഭാരവും വര്‍ദ്ധിക്കാൻ ഇടയുണ്ട്. വിദേശത്തുനിന്നും എന്തെങ്കിലും തരത്തിലുള്ള വസ്തുക്കൾ സമ്മാനമായി ലഭിക്കാൻ ഇടയുണ്ട്. അഗ്നി, ആയുധം എന്നിവ ശ്രദ്ധിക്കണം. സന്താനത്തിന് പഠന മികവിനുള്ള പുരസ്ക്കാരം പ്രതീക്ഷിക്കാം.
പൂയം: ദേശാന്തര സഞ്ചാരം, പുണ്യ ക്ഷേത്ര ദർശനം എന്നിവയ്ക്ക് യോഗം കാണുന്നു. സന്താനത്തിന് തൊഴിൽ ലഭിച്ചേക്കും. ജീവിത പങ്കാളിയെ കണ്ടെത്താനാകും. ആര്‍ഭാട വസ്തുക്കളോട് താൽപര്യം വര്‍ദ്ധിക്കും. പ്രായമായവര്‍ക്ക് പെൻഷൻ ആനുകൂല്യം ലഭിക്കുന്നതിന് സാദ്ധ്യതയുണ്ട്. കള്ളന്മാരെക്കൊണ്ട് ചില നാശനഷ്ടങ്ങൾക്ക് സാദ്ധ്യതയുണ്ട്.
ആയില്യം: അനുമോദനങ്ങളും അംഗീകാരങ്ങളും പ്രതീക്ഷിക്കാം. സന്താനത്തിന് ചെറിയ തോതിലുള്ള വിഷമങ്ങൾക്ക് സാദ്ധ്യതയുണ്ട്. കച്ചവടം വര്‍ദ്ധിക്കും. യാത്രകൾ നടത്തേണ്ടിവരും. കൂട്ടു കച്ചവടത്തിൽ ഉയര്‍ച്ച കാണുന്നു. അഗ്നി ഭയം,അപവാദങ്ങൾ എന്നിവ ശ്രദ്ധിക്കണം. ഭാര്യാ ഗൃഹത്തിൽ നിന്നും ധനപരമായ സഹായങ്ങൾ ഉണ്ടായേക്കും.
മകം: രാഷ്ട്രീയം, സിനിമ മറ്റ് കലാരംഗങ്ങൾ എന്നിവയിൽ പ്രവര്‍ത്തിക്കുന്നവര്‍ക്ക് ഗുണകരമായ ദിനം. തൊഴിൽ മേഖലയിൽ ലാഭമുണ്ടാകും, അനാവശ്യമായ യാത്രകളും ചെലവുകളും വര്‍ദ്ധിക്കും. രോഗങ്ങൾക്കും സാദ്ധ്യതയുണ്ട്. വസ്തു വിൽക്കുന്നതിലൂടെ ലാഭം നേടാനായേക്കും.
പൂരം: കര്‍മ രംഗത്ത് അഴിച്ചുപണികൾ ആവശ്യമായി വരും. തൊഴിൽപരമായി നഷ്ടങ്ങളുണ്ടായേക്കും. കടം വാങ്ങാനുള്ള സാദ്ധ്യതയുണ്ട്. ചെയ്യാത്ത തെറ്റിന് പഴി കേൾക്കേണ്ടി വരുമെന്നതിനാൽ വളരെയധികം ശ്രദ്ധിക്കണം. സര്‍ക്കാര്‍ ജോലിയിൽ നിൽക്കുന്നവര്‍ക്കും ചില പ്രതിസന്ധികൾ നേരിടാം. ബാധ്യതകൾ കൂടുന്നതിന് യോഗമുണ്ട്.
ഉത്രം: ധനവരവിൽ കാര്യമായ മാറ്റം പ്രതീക്ഷിക്കാം. അന്യ ദേശത്ത് ശിക്ഷാ നടപടികൾ നേരിടാൻ സാദ്ധ്യതയുണ്ട്. സാമ്പത്തിക ക്ലേശത്തിന് സാദ്ധ്യത. ശത്രുക്കളിൽ നിന്നും അനുകൂലമല്ലാത്ത നീക്കങ്ങൾ ഉണ്ടായേക്കും. അപകടങ്ങൾക്കും സാദ്ധ്യതയുണ്ട്.കള്ളന്മാരെക്കൊണ്ട് ചെറിയ രീതിയിലുള്ള ധന നഷ്ടമുണ്ടാകും.
അത്തം: കേസുകളുമായി ബന്ധപ്പെട്ട് തര്‍ക്കങ്ങൾക്ക് സാദ്ധ്യതയുണ്ട്. ഒത്തു തീര്‍പ്പ് ശ്രമങ്ങൾ നടത്തുന്നതാണ് നല്ലത്. ചെറിയ രോഗങ്ങൾ പോലും കടുക്കാൻ ഇടയുള്ളതിനാൽ ശ്രദ്ധിക്കണം. യാത്രാ സംബന്ധമായി ഓഫീസിൽ നിന്നും ധനസഹായം പ്രതീക്ഷിക്കാം. അനാവശ്യമായി പഴി കേൾക്കേണ്ടി വന്നേക്കും. ചെറിയ രീതിയിലാണെങ്കിലും ആശുപത്രി വാസത്തിന് യോഗമുണ്ട്.
ചിത്തിര: അലച്ചിൽ കൂടിയേക്കും. സഹോദരനെക്കൊണ്ട് ഏതെങ്കിലും തരത്തിലുള്ള പ്രശ്നങ്ങൾ ഉണ്ടായേക്കും. ധന വരവ് മന്ദഗതിയിലായിരിക്കും. ജോലിഭാരം കൂടുന്നതിനും വിവാദം ഉണ്ടാകുന്നതിനുമെല്ലാം സാദ്ധ്യതയുണ്ട്. എന്നാൽ വിവാദങ്ങൾ അധികം ആളുകളിലേക്കെത്താതെ തന്നെ അവ പരിഹരിക്കാൻ സാധിക്കും.
ചോതി : ലോൺ എടുക്കുന്നതിനോ അല്ലെങ്കിൽ എന്തെങ്കിലും തരത്തിലുള്ള കടം വാങ്ങുന്നതിനോ സാഹചര്യമുണ്ടായേക്കും.സ്ഥാനചലനത്തിനും യോഗമുണ്ട്. സാമ്പത്തിക കാര്യത്തിൽ അനുകൂലമായ മാറ്റം പ്രതീക്ഷിക്കാം.സുഹൃത്തുക്കളിൽ നിന്ന് നിരവധി സഹായങ്ങൾ പ്രതീക്ഷിക്കാം. കര്‍മ മേഖലയിലും സാങ്കേതിക മേഖലയിലും വിജയം നേടാനാകും.
വിശാഖം: വിവാഹ ബന്ധത്തിൽ ചില തടസങ്ങൾക്ക് സാദ്ധ്യതയുള്ളതിനാൽ ശ്രദ്ധിക്കേണ്ടതാണ്. തര്‍ക്കങ്ങൾ പരിഹരിക്കാനാകും. അവകാശങ്ങൾ നേടിയെടുക്കാൻ ഇടയുണ്ട്. പ്രണയം വിജയിക്കും. സ്ഥാനക്കയറ്റം, ഊഹക്കച്ചവടത്തിൽ ലാഭം എന്നിവയ്ക്ക് സാദ്ധ്യതയുണ്ട്. ജോലിയിലൂടെ ഭാഗ്യങ്ങൾ വന്നു ചേർന്നേക്കും.
അനിഴം: ചെറിയ ചില വസ്തുക്കൾ നഷ്ടപ്പെടാൻ ഇടയുണ്ട്. മറ്റുള്ളവരുടെ ജോലി സ്വയം ഏറ്റെടുത്ത് അവര്‍ക്ക് പ്രശ്നങ്ങൾ പരിഹരിച്ചു നൽകാനാകും. ഉറക്കക്കുറവും അലച്ചിലും ഏറെ അലട്ടാവുന്ന ദിവസം. ശത്രുക്കളുടെ എണ്ണം വര്‍ദ്ധിച്ചേക്കും. ചെറിയ രീതിയിലാണെങ്കിലും നറുക്കെടുപ്പുകളിൽ സമ്മാനങ്ങൾ നേടാനിടയുണ്ട്.
കേട്ട: ബിസിനസിൽ തര്‍ക്കങ്ങൾ ഉണ്ടായേക്കാമെങ്കിലും അവയെല്ലാം പരിഹരിച്ച് മുന്നോട്ട് പോകാനാകും. താൽക്കാലികമായി ചെയ്തു കൊണ്ടിരിക്കുന്ന ജോലിയിൽ മാറ്റം ഉണ്ടാകും. സന്താനഭാഗ്യത്തിന് യോഗമുണ്ട്. വിവാഹത്തിന് ശ്രമിക്കുന്നവര്‍ക്ക് അനുകൂല കാലയളവാണ്. വിനോദയാത്രകൾ നടത്തുന്നതിനും അതിന് നേതൃത്വം നൽകുന്നതിനും അവസരമുണ്ടാകും.
മൂലം: കൂട്ടു സംരംഭങ്ങളിൽ നിന്നും ലാഭം പ്രതീക്ഷിക്കാം. പുതിയ ജോലിക്കുള്ള സാദ്ധ്യത കാണുന്നു. കേസു വഴക്കുകൾ അവസാനിപ്പിക്കാനും കോടതിയുമായി ബന്ധപ്പെട്ട് അനുകൂല വിധി ലഭിക്കുന്നതിനും ഇടയാകും. കുടുംബ സ്വത്തുക്കൾ ലഭിക്കുന്നതിന് സാദ്ധ്യതയുണ്ട് . ബന്ധു വിയോഗം ഉണ്ടായേക്കും. ബിസിനസിൽ ചില വഴിത്തിരിവുകളും പ്രതീക്ഷിക്കാം.
പൂരാടം: പുതിയ സുഹൃത്തുക്കളെ ലഭിക്കാൻ സാദ്ധ്യതയുണ്ട്. സ്ഥാനക്കയറ്റം ലഭിച്ചേക്കും. പ്രശസ്തി, വസ്ത്രലാഭം, അന്നലാഭം എന്നിവ ലഭിക്കും. പ്രായോഗിക ബുദ്ധി കുറയാൻ സാദ്ധ്യതയുണ്ട്. പിടിവാശി വര്‍ദ്ധിക്കും. അധികാര സ്ഥാനത്തിരിക്കുന്നവര്‍ക്ക് ചെറിയ രീതിയിലുള്ള അപകടങ്ങളോ അപവാദങ്ങളോ ഉണ്ടാകാൻ യോഗമുണ്ട്.
ഉത്രാടം: ശിക്ഷാ നടപടികളിൽ നിന്ന് രക്ഷപ്പെടാൻ ഇടയുണ്ട്. ദേഷ്യവും മറവിയുമെല്ലാം വിനയാകാൻ സാദ്ധ്യതയുയുള്ള ദിനം.ഏറ്റെടുത്ത കരാര്‍ ജോലികൾ പൂര്‍ത്തിയാക്കാൻ പ്രയാസങ്ങൾ നേരിടേണ്ടി വരും. വീട്ടിലോ സ്ഥാപനത്തിലോ മോഷണ ശ്രമം ഉണ്ടാകാം. ജോലിക്കാരെ പിരിച്ചു വിട്ട് കൂടുതൽ കാര്യപ്രാപ്തിയുള്ളവരെ നിയമിക്കും.
തിരുവോണം: ജോലിയിൽ പുതിയ വഴിത്തിരിവിന് സാദ്ധ്യതയുണ്ട്. പുതിയ വാഹനം വാങ്ങാനായേക്കും. മുടങ്ങിക്കിടക്കുന്ന ആനുകൂല്യങ്ങൾ ലഭിച്ചേക്കാം. ശമ്പള പരിഷ്ക്കരണത്തിന് സാധ്യതയുണ്ട്. മുടങ്ങിക്കിടക്കുന്ന വീട് പണി സഹോദരങ്ങളുടെ സഹായത്തോടെ പൂര്‍ത്തീകരിക്കാൻ സാധിക്കും.
അവിട്ടം: ജീവികളിൽ നിന്നും ആക്രമണങ്ങൾ നേരിടേണ്ടി വരുമെന്നതിനാൽ ശ്രദ്ധിക്കണം. വസ്തുവോ ആഭരണമോ വിറ്റ് കടം വീട്ടേണ്ടതായി വരും. തര്‍ക്കങ്ങൾ തീര്‍പ്പാക്കുന്നതിൽ യാതൊരു മടിയും കാണിക്കരുത്. ജോലി നഷ്ടപ്പെടാൻ സാദ്ധ്യതയുണ്ട് പ്രസ്ഥാനം മാറുന്നതിനുള്ള സാദ്ധ്യതയുണ്ട്. വാഹനം നഷ്ടത്തിൽ വിൽക്കേണ്ടി വരും.
ചതയം: സന്താനത്തിന് ഉന്നത പഠനത്തിനും വിവാഹത്തിനുമുള്ള യോഗമുണ്ട്. വിദേശത്ത് ജോലിക്ക് സാധ്യത കാണുന്നു. സ്കോളര്‍ഷിപ്പിനായി അപേക്ഷിച്ചവര്‍ക്ക് അനുകൂല ഫലം പ്രതീക്ഷിക്കാം. ബന്ധുബലം വര്‍ദ്ധിക്കും. ബന്ധുവുമായി വിവാഹത്തിന് യോഗമുണ്ട്. ഏറ്റെടുത്ത ജോലികൾ പൂര്‍ത്തീകരിക്കാനാകും.
പൂരുരുട്ടാതി: ശമ്പള വര്‍ദ്ധനവിന് സാധ്യതയുണ്ട്. പുതിയ വീട്, വീട്ടുപകരണങ്ങൾ എന്നിവ വാങ്ങിക്കുന്നതിന് യോഗം കാണുന്നു. നാട് വിട്ടുപോയ ബന്ധു തിരിച്ചു വരുന്നതിനും സാദ്ധ്യതയുണ്ട്. നാട്ടിൽ നിന്നും മാറി ജീവിക്കുന്ന ബന്ധുക്കളിൽ നിന്നും ധനസഹായത്തിന് സാദ്ധ്യതയുണ്ട്. പ്രേമബന്ധം വിജയകരമാകും.
ഉത്രട്ടാതി: പുതിയതോ അല്ലാത്തതോ ആയ വാഹനങ്ങൾ വാങ്ങിക്കുന്നതിന് യോഗമുണ്ട്. കുടുംബത്തിൽ മംഗള കര്‍മങ്ങൾ നടന്നേക്കും. സര്‍ക്കാര്‍ ജോലി ലഭിക്കുന്നതിനോ സ്ഥാനക്കയറ്റം ലഭിക്കുന്നതിനോ സാദ്ധ്യതയുണ്ട്. ഇഷ്ടക്കാരിൽ നിന്നും ആഭരണങ്ങളോ മറ്റ് വസ്തുക്കളോ സമ്മാനമായി ലഭിക്കാൻ സാദ്ധ്യതയുണ്ട്. ധനപരമായി നേട്ടങ്ങളുണ്ടാകും.
രേവതി: ഉദര സംബന്ധമായ വിഷമതകൾക്കായി ഔഷധ സേവവേണ്ടിവരും. അടുത്ത ബന്ധുക്കൾക്ക് രോഗദുരിത സാദ്ധ്യത. ആഹാര കാര്യത്തിൽ ശ്രദ്ധ കുറയും, സർക്കാരിലേയ്ക്ക് ചെറിയ പിഴകൾ അടയ്ക്കേണ്ടി വരും വ്യവഹാരങ്ങൾ നടത്തുന്നവർക്ക് പരാജയം. ബുദ്ധിമുട്ടു നിറഞ്ഞ യാത്രകൾ, സഹപ്രവർത്തകർ നിമിത്തമായി മനോവിഷമം.