ഹൈദരാബാദ്: എൻഡിഎയുടെ രാഷ്‌ട്രപതി സ്ഥാനാർത്ഥിയായ ദ്രൗപതി മുർമ്മുവിനെക്കുറിച്ച് ബോളിവുഡ് സംവിധായകൻ നടത്തിയ പരാമർശം വിവാദത്തിൽ. സംവിധായകൻ രാം ഗോപാൽ വർമ്മയാണ് ദ്രൗപതി പ്രസിഡന്റായാൽ പാണ്ഡവരും കൗരവരും ആരാകും എന്ന ചോദ്യം ചോദിച്ച് ട്വീറ്റ് ചെയ്‌തത്. രാം ഗോപാൽ വർമ്മ പിന്നാക്ക വിഭാഗങ്ങളെ അപമാനിച്ചുവെന്ന് കാട്ടി തെലങ്കാന ബിജെപി പൊലീസിൽ പരാതി നൽകിയിട്ടുണ്ട്.
എന്നാൽ മഹാഭാരതത്തിൽ തനിക്ക് ഏറ്റവും ഇഷ്‌ടപ്പെട്ട കഥാപാത്രമാണ് ദ്രൗപതിയെന്നും ആരുടെയും വികാരങ്ങളെ വ്രണപ്പെടുത്താൻ ഉദ്ദേശിച്ചായിരുന്നില്ല പ്രതികരണമെന്നും വിവാദത്തിന് മറുപടിയായി രാം ഗോപാൽ വർമ്മ പിന്നീട് ട്വീ‌റ്റിൽ കുറിച്ചു.
This was said just in an earnest irony and not intended in any other way ..Draupadi in Mahabharata is my faviourate character but Since the name is such a rarity I just remembered the associated characters and hence my expression. Not at all intended to hurt sentiments of anyone https://t.co/q9EZ5TcIIV— Ram Gopal Varma (@RGVzoomin) June 24, 2022
എൻ‌ഡി‌എ രാഷ്‌ട്രപതി സ്ഥാനാർത്ഥിയായി ദ്രൗപതി മുർമ്മു ഇന്നലെയാണ് നാമനിർദ്ദേശപത്രിക സമർപ്പിച്ചത്. പ്രധാനമന്ത്രി നരേന്ദ്ര മോദി, ആഭ്യന്തരമന്ത്രി അമിത് ഷാ അടക്കം നിരവധി മുന്നണി നേതാക്കളോടൊപ്പമെത്തിയാണ് അവർ പത്രിക സമർപ്പിച്ചത്. ജൂലായ് 18നാണ് രാഷ്‌ട്രപതി തിരഞ്ഞെടുപ്പ്.