റിയാദ്: ജിദ്ദയിൽ ജോലിക്കിടെ കുഴഞ്ഞുവീണ മലയാളി യുവാവ് മരണമടഞ്ഞു. മലപ്പുറം മോങ്ങം തൃപ്പനച്ചി കാവുങ്ങാപ്പാറ സ്വദേശിയായ ഇസ്മായിൽ ആണ് മരിച്ചത്. ജിദ്ദയിൽ സ്വകാര്യ കുടിവെള്ള കമ്പനിയിൽ ജോലിചെയ്യുകയായിരുന്നു. കുഴഞ്ഞു വീണതിനെ തുടർന്ന് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാൻ സാധിച്ചില്ല. മൃതദേഹം ജിദ്ദയിൽ തന്നെ കബറടക്കി. വാളപ്ര മുഹമ്മദ് മുസ്‍ലിയാരാണ് പിതാവ്, മാതാവ്: ഉമ്മാതകുട്ടി, ഭാര്യ: ജസീന. മക്കൾ: മുഹമ്മദ് അഷ്മാൽ, മുഹമ്മദ് മിഷാൽ.